قازاقستاندا 6-اقپان كۇنى وتەتىن ماڭىزدى وقيعالارعا اڭداتپا
استانا
ساعات 09.30-دا ورتالىق كوممۋنيكاتسيالار قىزمەتىندە جۇرەك جەتىسپەۋشىلىگىنەن زارداپ شەگەتىن ناۋقاستار ءۇشىن حالىقارالىق توڭكەرىس تۋىنداتقان جاڭا جۇيەنىڭ تانىستىرىلىمىنا ارنالعان باسپا ءسوز كونفەرەنتسياسى وتەدى.
ساعات 11.00-دە اقوردادا شەت مەملەكەتتەردىڭ ەلشىلەرى قازاقستان رەسپۋبليكاسىنىڭ پرەزيدەنتى ن. ءا. نازاربايەۆقا سەنىم گراموتالارىن تاپسىرادى.
ساعات 11.00-دە ۇكىمەت ۇيىندە ق ر يندۋستريا جانە ينفراقۇرىلىمدىق دامۋ ءمينيسترى جەڭىس قاسىمبەكتىڭ قاتىسۋىمەن «وتاندىق ءوندىرىستى دامىتۋ جانە كولىك- لوگيستيكالىق سالانى مودەرنيزاتسيالاۋ» تاقىرىبىندا باسپا ءسوز كونفەرەنتسياسى وتەدى.
ساعات 11.00-دە مەملەكەتتىك سىبايلاس جەمقورلىققا قارسى كۇرەس بويىنشا ۇلتتىق بيۋرودا مەملەكەتتىك ساتىپ الۋ بويىنشا بريفينگ وتەدى.
ساعات 14.00-دە «Sputnik قازاقستان» مۋلتيمەديالىق باسپا ءسوز ورتالىعىندا «استانا - بىشكەك - ەرەۆان - مينسك - ماسكەۋ» اراسىنداعى ۆيدەوكوپىر ارقىلى ۇجىمدىق قاۋىپسىزدىك تۋرالى شارت ۇيىمىنىڭ بىرلەسكەن شتابىنىڭ باستىعى گەنەرال- پولكوۆنيك اناتولي سيدوروۆتىڭ قاتىسۋىمەن «باسقارۋ ورگاندارى مەن كۇشتەرىن بىرلەسىپ وقىتۋدىڭ قورىتىندىسى» تاقىرىبىندا بريفينگ وتكىزىلەدى.
ساعات 16.00-دە سىرتقى ىستەر ءمينيسترى بەيبىت اتامقۇلوۆ سىرتقى ىستەر مينيسترلىگىنە شەتەلدىك ديپلوماتيالىق وكىلدىكتەر مەن قازاقستان رەسپۋبليكاسىندا اككرەديتتەلگەن حالىقارالىق ۇيىمدار وكىلدىكتەرىنىڭ باسشىلارىمەن كەزدەسەدى.
الماتى
ساعات 10.00-دە الماتى قالاسىنىڭ ەكونوميكا جانە ستاتيستيكا اكادەمياسىندا جاستار جىلىنىڭ سالتاناتتى اشىلۋ راسىمىندە ايتىلعان مەملەكەت باسشىسىنىڭ باستامالارى تالقىلانادى.
ساعات 11.00-دە قازاقستان باسپا ءسوز كلۋبىندا اۋعان سوعىسى ارداگەرلەرىنىڭ باسپا ءسوز كونفەرەنتسياسى وتكىزىلەدى.
ساعات 18.30-دا ALMATY GALLERY- دا كوزى كورمەيتىن جانە ناشار كورەتىن ادامداردىڭ كەسكىندىك ونەرىن ۇسىناتىن «كوزگە كورىنبەيتىن سەزىم قىرلارى» اتتى ارت-شارا وتەدى.
تۇركىستان
ساعات 15:00-دە Turkistan media ورتالىعىندا تۇركىستان وبلىسى دەنساۋلىق ساقتاۋ باسقارماسىنىڭ باسشىسى مۇقان ەگىزبايەۆ وتكەن جىلدى قورىتىندىلاپ، 2019 -جىلعا جوسپارلار جايىندا باسپا ءسوز ءماسليحاتىن وتكىزەدى.