ءزىمبىردى جاقسى كورۋگە 6 سەبەپ

 استانا. قازاقپارات - ءزىمبىر سەكىلدى امبەباپ ءونىم جوق شىعار. قالاۋىڭىزعا قاراي، ونى شايعا دا، تۇزدىققا دا، ءتىپتى، پىسپەنانعا دا قوسۋعا بولادى. بۇل دامدەۋىشتىڭ قانداي ارتىقشىلىقتارى بار ەكەندىگىنە توقتالامىز.

جۇرەك اينۋمەن كۇرەسەدى ەگەر كولىكتە جۇرەگىڭىز اينىسا، ءزىمبىر قوسىلعان مۇز كامپيتتەرىن بىرگە الىپ ءجۇرىڭىز. زەرتتەۋلەر بويىنشا، بۇل دامدەۋىش جولدا، جۇكتىلىك جانە حيميوتەراپيا كەزىندە جۇرەك اينۋدى باسادى ەكەن. ءىشتىڭ كەبۋى مەن قاتىپ قالۋىن قاداعالايدى ءزىمبىر باسقا دا اسقازان- ىشەك جولى ماسەلەلەرىن شەشۋگە كومەكتەسەدى. ونىڭ قۇرامىندا zingibain دەپ اتالاتىن اسقورىتۋ فەرمەنتى بار. ول اقۋىزداردىڭ ىدىراۋىنا كومەكتەسەدى. سول فەرمەنتتىڭ ارقاسىندا تاعام وڭاي ءسىڭىپ، ءىش قاتۋ سياقتى ماسەلەلەر ورىن المايدى.

جۇقپالى اۋرۋمەن كۇرەسەدى اۋىرايىن دەپ تۇرعانىڭىزدى سەزگەندە، بال مەن ءزىمبىر قوسىلعان شاي دايىنداڭىز. ونىڭ قۇرامىنداعى گينگەرول بەلسەندى قوسپاسى اعزاعا ۆيرۋسپەن كۇرەسۋگە كومەكتەسەدى. عالىمداردىڭ ويىنشا، تۇماۋمەن كۇرەستە كەپكەن ءزىمبىر ونىڭ بالعىن تۇرىنە قاراعاندا ازىراق كومەكتەسەدى ەكەن. قابىنۋدى باسادى عالىمداردىڭ ويىنشا، ونىڭ قۇرامىنداعى گينگەرول قابىنۋدى باسادى.

 كەي زەرتتەۋلەر بويىنشا، ءزىمبىردى ۋاقىتىلى قولدانۋ جاتتىعۋدان سوڭ بۇلشىقەت اۋىرۋىن ازايتادى. ىسىكتەن قورعايدى ىسىكتىڭ الدىن الۋعا ارنالعان زەرتتەۋ اۆتورلارى ءزىمبىر توق ىشەك ىسىگىنىڭ الدىن الۋعا كومەكتەسەدى دەپ بولجادى. عالىمدار ونى ءزىمبىردىڭ ىشەكتەگى قابىنۋدى باساتىندىعىمەن تۇسىندىرەدى. الايدا، بۇل بايلانىستى ءتۇسىنۋ ءۇشىن كوبىرەك زەرتتەۋ جاساۋ كەرەك. ارىقتاۋعا كومەكتەسەدى 1 كەسە تۋرالعان بالعىن ءزىمبىر تامىرىندا بارلىعى تەك 80 كالوريا، 18گ- نان از كومىرسۋلار جانە شامامەن 2 گ جاسۇنىق پەن اقۋىز بار.

 1 اس قاسىق كەپكەن ءزىمبىر دامدەۋىشى تاماقتى 5 كالورياعا ازايتادى. سونىمەن قاتار، ونىڭ قۇرامىندا پايدالى دارۋمەندەر مەن مينەرالدار كوپ. شوپتەر مەن دامدەۋىشتەر ارىقتاۋعا كومەكتەسەدى، سەبەبى ولاردىڭ ءيىسى تومەن كالوريالى تاعامنان توقتىق سەزىمىن سەزۋگە كومەكتەسەدى. زەرتتەۋلەر تاماقتان سوڭ ءبىر ستاقان ءزىمبىر سۋىن ىشكەن ەر ادامدار ۇزاققا دەيىن تويىپ جۇرەتىندىگىن كورسەتكەن.

Massaget.kz