مينيستر كالەتايەۆ «رۋحاني جاڭعىرۋ» باعدارلاماسىنىڭ 6 باعىتى تۋرالى باياندادى
«بۇل جۇمىستى رەتتەۋ ماقساتىندا ءبىز «رۋحاني جاڭعىرۋ» بويىنشا قىزمەتتى باعدارلامانىڭ التى باعىتىمەن ارا قاتىناسىن بەلگىلەۋدى سۇرادىق. بۇل - باسەكەگە قابىلەتتىلىك، پراگماتيزم، ۇلتتىق سايكەستىكتى ساقتاۋ، ءبىلىم عۇرپى، قازاقستاننىڭ ەۆوليۋتسيالىق دامۋى، سانانىڭ اشىقتىعى»، - دەدى ول قازاقستان رەسپۋبليكاسى پرەزيدەنتى جانىنداعى قوعامدىق سانانى جاڭعىرتۋ باعدارلاماسىن ىسكە اسىرۋ بويىنشا ۇلتتىق كوميسسيانىڭ وتىرىسىندا.
«جەدەل باسقارۋ جانە ۇيىمداستىرۋ ماسەلەلەرىن پىسىقتاۋ ءۇشىن ايماقتىق جوبالىق كەڭسەلەردىڭ ۇيلەستىرۋشىلەرى رەتىندە ايماق اكىمدەرىنىڭ ورىنباسارلارى، اپپارات جەتەكشىلەرى انىقتالدى.
قوعامدىق سانانى دامىتۋ مينيسترلىگىنىڭ جانىندا «رۋحاني جاڭعىرۋ» قازاقستاندىق قوعامدىق سانانى جاڭعىرتۋ ينستيتۋتى» قۇرىلىپ جاتىر»، - دەپ اتاپ ءوتتى د. كالەتايەۆ.
ەسكە سالا كەتەيىك، اعىمداعى جىلدىڭ 26 -قازانىندا اقوردادا پرەزيدەنت اكىمشىلىگىنىڭ باسشىسى ءا. يسەكەشيەۆتىڭ توراعالىعىمەن قازاقستان رەسپۋبليكاسى پرەزيدەنتى جانىنداعى قوعامدىق سانانى جاڭعىرتۋ باعدارلاماسىن ىسكە اسىرۋ بويىنشا ۇلتتىق كوميسسيانىڭ كەزەكتى وتىرىسى بولىپ ءوتتى.