نۇرسۇلتان نازاربايەۆتىڭ توراعالىعىمەن ءدىن كوشباسشىلارىنىڭ 6- سەزى باستالدى
سەز جۇمىسىنىڭ اشىلۋ راسىمىندە ءتۇرلى ۇلت وكىلدەرىنەن قۇرالعان حور «اق كوگەرشىن» ءانىن ورىندادى. القالى جيىنعا بارلىق الەمدىك جانە ءداستۇرلى دىندەردىڭ وكىلدەرى، سونىمەن قاتار بەدەلدى ءدىني ليدەرلەر، ساياسي قايراتكەرلەر مەن حالىقارالىق ۇيىم وكىلدەرىنەن قۇرالعان 46 ەلدەن 82 دەلەگاتسيا قاتىسۋدا. سەزدىڭ مارتەبەلى مەيمانى - سەربيا رەسپۋبليكاسىنىڭ پرەزيدەنتى الەكساندر ۆۋچيچ. جاھاندىق شارانىڭ باستى جانە نەگىزگى تاقىرىبى - «ءدىني ليدەرلەر قاۋىپسىز الەم ءۇشىن».
التىنشى سەزد اياسىندا «الەم 21- عاسىر» مانيفەسى» جاھاندىق قاۋىپسىزدىك تۇجىرىمداماسى رەتىندە»، «قۇبىلمالى گەوساياسي جاعدايداعى دىندەر: ادامزاتتى بىرىكتىرۋگە ارنالعان جاڭا مۇمكىندىكتەر»، «ءدىن جاھاندانۋى: سىن- تەگەۋرىندەر مەن جاۋاپتار»، «ءدىن كوشباسشىلارى مەن ساياسي قايراتكەرلەر ەكسترەميزم مەن تەرروريزمدى ەڭسەرۋ جولىندا» اتتى ءتورت باعىت بويىنشا سەكتسيالىق وتىرىستار وتەدى.
ايتا كەتەيىك، جالپى وتىرىسقا دەيىن ق ر پارلامەنتى سەناتىنىڭ ءتوراعاسى قاسىم-جومارت توقايەۆتىڭ توراعالىمەن ءدىني ليدەرلەر كەڭەسىنىڭ وتىرىسى وتكەن بولاتىن.
