اقتاۋلىق 6 - سىنىپ وقۋشىسى الەمدىك رەكورد ورناتتى

None
None
 استانا. قازاقپارات - اقتاۋلىق التىنشى سىنىپ وقۋشىسى ورىنگۇل ارىستان مەنتالدى اريفمەتيكا بويىنشا الەمدىك رەكورد ورناتقان كوماندا مۇشەسىندە بولدى.

 الەمدىك رەكورد ورناتقان وقۋشىلار 26 مينۋت، 26 سەكۋند جانە 12 ميلليسەكۋندتىڭ ىشىندە 30 مىڭ مىسالدى شەشكەن، دەپ جازادى حابار 24.

سايىس رەسەيدە «ەكىنشى ەۋرازيالىق ايەلدەر فورۋمى» اياسىندا وتكىزىلدى، وعان بۇكىل الەمنىڭ 150 دارىندى وقۋشىسى قاتىستى.

 قازاقستاننىڭ اتىن الەمگە تانىتقان ورىنگۇل ارىستان مەنتالدى اريفمەتيكامەن بىرنەشە جىلدان بەرى اينالىسادى. ورىنگۇلدىڭ كۇردەلى اريفمەتيكالىق تاپسىرمالاردى نايزاعاي سوققىسىنىڭ جىلدامدىعىنداي شەشۋ قابىلەتىنە بايلانىستى كوپشىلىك ونى «كالكۋلياتور قىز» دەپ اتاپ كەتكەن.

جاس جەڭىمپازىمىز كونكۋرسقا ءبىر اي بويى دايىندالعان. ول تاپسىرمانى شەشۋ ءۇشىن كۇنىنە ەكى ساعات جۇمساعان.

«بايقاۋدىڭ ءوزى بىرنەشە كەزەڭگە ءبولىندى. ولاردىڭ بىرەۋىندە ەستافەتا تۇرىندە قارىنداشتى ءبىر- بىرىمىزگە بەرىپ وتىرىپ، مىسالداردى شەشتىك» ، - دەيدى ورىنگۇل ارىستان.

Stan.kz

سوڭعى جاڭالىقتار