الەۋمەتتىك جەلىنىڭ پسيحيكاعا زاقىم كەلتىرەتىن 6 قاۋپى
ءبىز قالاساق تا، قالاماساق تا، الەۋمەتتىك جەلىلەر ءومىرىمىزدىڭ قاجەتتى بولىگىنە اينالدى. ولار ونى ىڭعايلى، جىلدام ءارى مۇمكىن، ءتىپتى جاعىمدى ەتەدى - ءبىراق كەز- كەلگەن كۇشتى قۇرال سياقتى، ولار دا شامادان تىس كوپ پايدالانساڭىز، ەلەۋلى زيان كەلتىرۋى ىقتيمال.
ءوزىن تومەن باعالاۋ
ءوزى مەن الەۋمەتتىك جەلىلەردەگى «دوستار» ۇنەمى سالىستىرۋ، سونداي-اق تاماشا نەكە، ءمىنسىز دەمالىس، سۇيكىمدى بالالار نەمەسە سۇلۋ بەينە سۋرەتتەرىن كورۋ ءسىزدىڭ وزىڭىزگە دەگەن سەنىمىڭىزگە سەلكەۋ ءتۇسىرۋى ىقتيمال. كوپەنگاگەن ۋنيۆەرسيتەتىنىڭ پسيحولوگتارى ارنايى زەرتتەۋ جۇرگىزىپ، ونىڭ اياسىندا ۋاقىتىنىڭ كوپ بولىگىن الەۋمەتتىك جەلىلەرگە ارنايتىن قاتىسۋشىلاردىڭ الەۋمەتتىك جەلىگە دەيىنگى جانە ۆيرتۋالدى ومىردەن ءماجبۇرلى «ەڭبەك دەمالىسىنان» كەيىنگى ءوزىن-ءوزى باعالاۋىن تەكسەرگەن.
زەرتتەۋدىڭ بارلىق دەرلىك قاتىسۋشىلارى ءبىر-ءبىرىنىڭ ءمىنسىز ءومىرىن قاداعالاۋدان ەكى اپتالىق دەمالىستان كەيىن ءوز-وزىنە سەنىمدى عانا ەمەس، سونىمەن قاتار ومىرگە دەگەن قاناعاتتانۋشىلىق سەزىمدەردىڭ ارتا تۇسكەندىگىن ايتقان.
الەۋمەتتىك بايلانىستار
الەۋمەتتىك جەلىلەر بىزدەردى ءبىر-بىرىمىزدەن اڭگىمەلەسىپ، جاڭا دوستار تابۋ جانە ەسكى دوستاردى قولداپ وتىرۋعا كومەكتەسۋ ءۇشىن ارنايى قۇرىلعانداي كورىنەدى. دەگەنمەن، تاياۋدا عانا امەريكالىق ەپيدەميولوگيا جۋرنالىندا ناتيجەسى جاريا ەتىلگەن زەرتتەۋ اۆتورلارىنىڭ پايىمىنشا: الەۋمەتتىك جەلى بىزدەردىڭ شىنايى ومىردەگى ورىن الىپ وتىرعان قارىم-قاتىناسىمىزدى بۇزۋعا قابىلەتتى. بۇل فەيسبۋكتەن نەمەسە ينستاگراممنان مۇلدەم باس تارتۋ قاجەت دەگەندى بىلدىرمەيدى. دەگەنمەن، وعان ۋاقىتتى از ءبولۋ قاجەت سياقتى.
جاد
ءبىر جاعىنان، الەۋمەتتىك جەلى - ءبىزدىڭ ءومىرىمىزدىڭ ەڭ قىزىقتى جانە قىمبات ساتتەرىن تاسپالاۋدىڭ كەرەمەت قۇرالى. ەكىنشى جاعىنان - بارلىق ادامدارعا اشىق بولعاندىقتان، كوبىنە ءبىز ولارعا ەڭ ءساتتى فوتوسۋرەتتەر مەن «تىگىسى جاتقىزىلعان» وقيعالاردى ورنالاستىرۋعا تىرىسامىز. ناتيجەسىندە ءبىز ءوز ءومىرىمىزدى قالاي تۇزەتەتىنىمىزگە نازار اۋدارمايمىز جانە شىن مانىندە ورىن العان وقيعالاردى ەستە ساقتاپ، ولاردى ادەمى وتىرىكپەن الماستىرا الامىز. بۇلاي جاساۋعا بولمايدى.
ۇيقى
الەۋمەتتىك جەلى پاراقشالارىن ۇزاق قاراۋدان تۋىندايتىن الاڭداۋشىلىق پەن تولقۋدىڭ اسەرى ۇيقىنىڭ بۇزىلۋىنا، سونداي-اق ۇيقى ساپاسى مەن ۇزاقتىعىنا كەرى اسەرىن تيگىزەدى. بۇعان قوسا، بەتىڭە تىم تاقاۋ ۇستاعاننان سوڭ ەكراننان تۇسەتىن جارىق ءبىزدىڭ ۇيىقتاپ كەتۋىمىزگە كومەگىن تيگىزەتىن گورمون مەلاتونيننىڭ وڭدەلۋىنە توسقاۋىل قويۋعا قابىلەتتى.
دارىگەرلەر ۇيقىعا جاتار الدىندا كەمىندە 40 مينۋت بۇرىن سمارتفون مەن كومپيۋتەردى ءوشىرۋ جانە الەۋمەتتىك جەلىلەردى ۇمىتۋ قاجەتتىگىن تاباندى تۇردە جاقتايدى. تىم بولماعاندا تاڭەرتەڭگە دەيىن ەستەن شىعارۋ قاجەت.
زەيىن قويۋ قابىلەتى
الۋان ءتۇرلى ءارى قولجەتىمدى اقپاراتتىڭ تىم كوپتىگى الەۋمەتتىك جەلى پايدالانۋشىلارىنىڭ بارىنشا ۇزاق ۋاقىت بويى قانداي دا ءبىر نىساناعا نازار اۋدارۋىن قيىنداتا تۇسىرەدى. بۇل وقۋ، جادى قابىلەتىنە دە اسەر ەتىپ، شارشاعاندىقتى ۇلعايتادى. قانداي دا ءبىر ۇزاق ماتىندە وقيتىن بولساڭىز (ماسەلەن، وسىنى) ەرىك-جىگەرىڭىزدى جيىپ، ءبىر بەتتەن ەكىنشى بەتكە جىلدام اۋىسىپ كەتپەۋگە تىرىسىڭىز. جانعا جاعىمدى ايىرماشىلىعىن بىردەن بايقايسىز.
پسيحيكالىق ساۋلىق
الەۋمەتتىك جەلىمەن شامادان تىس اۋەستەنۋ جابىرقاۋشىلىققا نەمەسە ءتىپتى قۇلازۋعا الىپ كەلۋى مۇمكىن - بۇل دالەلدەنگەن فاكت. سوڭعى جىلدارى جۇرگىزىلگەن كوپتەگەن زەرتتەۋلەر الەۋمەتتىك جەلى قاراۋمەن وتەتىن ۋاقىت پەن اتالعان قۇلازۋشىلىقتىڭ دامۋ تاۋەكەلدەرى اراسىنداعى بايلانىستاردىڭ بار ەكەندىگىن دالەلدەگەن.
دەرەككوز: www.goodhouse.ru
