قازاقستاندا 6 مىڭعا جۋىق سارباز اسكەردەن ۇيىنە قايتادى
2018-جىلدىڭ كوكتەمىندە قارۋلى كۇشتەردە 2017-جىلى كوكتەمگى مەرزىمدى اسكەري قىزمەتكە شاقىرىلىپ، وتان الدىنداعى اسكەري بورىشىن وتەگەن 6 مىڭعا جۋىق اسكەري قىزمەتشى زاپاسقا جىبەرىلەدى. وسىعان بايلانىستى قازاقستان قارۋلى كۇشتەرىنىڭ اسكەري بولىمدەرىندە سالتاناتتى ءىس-شارالار ءوتىپ جاتىر.
«وڭتۇستىك» جانە «باتىس» وڭىرلىك قولباسشىلىعىندا مەرزىمدى اسكەري قىزمەتشىلەر ءبىرىنشى بولىپ سالتاناتتى تۇردە ۇيلەرىنە جىبەرىلدى. وسى كۇندەرى مىڭنان استام مەرزىمدى قىزمەتىن اتقارعان اسكەري قىزمەتشىلەر اسكەري فورمالارىن ازاماتتىق كيىمگە اۋىستىرىپ جاتىر. سونىمەن قاتار، زاپاسقا جىبەرىلگەندەر اراسىندا اسكەري قىزمەتتى كەلىسىمشارتپەن جالعاستىرۋ تۋرالى شەشىم قابىلداعاندار دا بار.
«ماعان اسكەردە بارلىعى ۇنادى. ءبىز ەبەدەيسىز بالادان ەسەيگەن ەر جىگىتكە اينالدىق. ءبىز ءۇشىن وسى جىل ومىرىمىزدەگى وقيعاعا تولى جىل بولدى. بورىشىمىزدى وتەپ، ۇيىمىزگە قايتۋعا دايىندالىپ جاتىرمىز»، - دەپ اتاپ ءوتتى 85395 اسكەري ءبولىمىنىڭ قاتارداعى ساربازى ەربول كەرىمحانوۆ.
اسكەري قىزمەتشىلەر قىزمەتتىك مىندەتتەرىن ابىرويلى اتقارىپ، اسكەري تارتىپكە باعىنىپ، اسكەري جانە دەنە دايىندىقتاردا جوعارى كورسەتكىشكە قول جەتكىزگەندەرى ءۇشىن گراموتالارمەن ماراپاتتالىپ، اتا-انالارىنا العىس حاتتار بەرىلدى. ءبىرقاتار اسكەري قىزمەتشىگە كەزەكتى اسكەري اتاقتار بەرىلدى.
