13:13, 15 - ءساۋىر 2018 | GMT +5
ءبىر ستاقان سىرا ءومىردى 6 ايعا قىسقارتادى
استانا. قازاقپارات - بريتاندىق عالىمداردىڭ اۋقىمدى زەرتتەۋى، كۇنىنە ءبىر ستاقان سىرا نەمەسە شاراپ ءىشۋ ءومىردى قىسقارتۋى مۇمكىن ەكەنىن كورسەتتى.
الكوگول ونىمدەرىن ىشەتىن 600 مىڭ ادامنىڭ دەرەكتەرىن تالداعان عالىمدار اپتا سايىن الكوگولدى سۋسىنداردىڭ ستاندارتتى مولشەرىن تۇتىنۋ ادام ءومىرىن شامامەن التى ايعا قىسقارتاتىنىن انىقتادى.
ساراپشىلاردىڭ ايتۋىنشا، زەرتتەۋ ناتيجەلەرى «الكاگولدى دۇرىس مولشەردە ءىشۋ - پايدالى» دەگەن پىكىرگە قاراما- قايشى.
عالىمدار 19 مەملەكەتتەگى الكوگول تۇتىنۋشىلارىنىڭ دەنساۋلىعى مەن ىشىمدىك ءىشۋ داعدىلارىن سالىستىرىپ، 40 جاستان كەيىن دە ءىشۋدى جالعاستىرسا، رەسپوندەنتتەردىڭ ءومىرى قانشالىقتى قىسقاراتىندىعىن ەسەپتەپ كوردى. ناتيجەسىندە، زەرتتەۋ جۇمىستارى الكوگولدىڭ كەز كەلگەن مولشەرى جۇرەك- تامىر اۋرۋلارىنىڭ دامۋ قاۋپىن تۋدىراتىنىن كورسەتكەن.
Baq.kz
