قىتايدا بەيادەپ كونتەنتى بار 6 مىڭنان استام سايت جابىلدى

استانا. قازاقپارات - 2017 -جىلى قىتاي ۇكىمەتى ەروتيكالىق جانە بەيادەپ كونتەنتى بار 6 مىڭنان استام ينتەرنەت سايتى مەن WeChat مەسسەندجەرىندەگى اككاۋنتاردى جاپتى، دەپ حابارلايدى شينحۋا اگەنتتىگى.

پورنوگرافياعا، زاڭسىز باسپا، اۋديو جانە ۆيدەو ونىمدەرگە قارسى كۇرەس جونىندەگى بۇكىل قىتايلىق كەڭسەنىڭ بايانداماسىندا تازا مادەني ورتانى قالىپتاستىرۋ ناۋقانى ايتۋلى جەتىستىكتەرگە جەتكەنى ايتىلادى.

2017-جىلى عالامتوردان 4,5 ميلليوننان استام ەروتيكالىق سيپاتتاعى جازبا وشىرىلگەن، ال ونلاين سەرۆيس پروۆايدەرلەرى 20 ميلليونعا جۋىق وسىنداي جازبانى وزدىگىنەن وشىرگەن. بيلىك WeChat ارقىلى ەروتيكالىق ۆيدەو تاراتۋ جونىندە كوپتەگەن ءىرى قىلمىستىق ىستەردى اشىپ، 20 وڭىردەن 100 مىڭنان استام ادام جاۋاپقا تارتىلدى. ونىڭ ىشىندە كامەلەت جاسىنا تولماعاندار دا بار.

بۇدان تىس، ق ح ر ۇكىمەتى پورنوگرافيالىق كونتەنتتى تاراتۋدىڭ جاڭا تاسىلدەرىن دە انىقتادى. پورنوگرافيالىق ۆيدەولاردى جۇكتەۋ ءۇشىن سىلتەمە جىبەرگەن 30 دان استام كۇدىكتى ۇستالدى. جۇرتشىلىق تا وسى شاراعا بەلسەندى قاتىستى.