08:21, 20 - قىركۇيەك 2017 | GMT +5
جەڭىل اتلەتتەرىمىز جابىق كەشەندەگى ازيا ويىندارىندا ەل قورجىنىنا 6 مەدال سالدى - فوتو
استانا. قازاقپارات - قازاقستاندىق جەڭىل اتلەتتەر اشحاباد قالاسىندا ءوتىپ جاتقان جاۋىنگەرلىك ونەر تۇرلەرى بويىنشا جابىق عيماراتتا وتەتىن V ازيا ويىندارىندا ءساتتى ونەر كورسەتۋدە، دەپ حابارلايدى قازاقپارات ءتىلشىسى.
ايەلدەر اراسىندا 60 مەترگە جۇگىرۋدە ۆيكتوريا زيابكينا 7.32 سەكۋندتىق ناتيجەمەن التىن، ولگا سافرونوۆا (7.43 سەكۋند) قولا مەدال جەڭىپ الدى. سونداي-اق، ايەلدەر اراسىندا 400 مەترگە جۇگىرۋ سىنىندا وتانداسىمىز ەلەنا ميكينا الدىنا جان سالمادى. ەلەنا 53.37 سەكۋندتىق ناتيجەمەن جەڭىمپاز اتاندى. ال ەرلەر اراسىنداعى باسەكەدە ميحايل ليتۆين (46.51 سەكۋند) ءۇشىنشى ورىندى قاناعات تۇتتى.
بۇعان دەيىن حابارلاعانىمىزداي، ولگا رىپاكوۆا مەن ماريا وۆچيننيكوۆا ايەلدەر اراسىندا ءۇش قارعىپ سەكىرۋدەن 1 التىن، 1 كۇمىس مەدال ەنشىلەگەن بولاتىن.
