ماڭعىستاۋدا قازاق اقىندارىنىڭ ولەڭدەرىن وقۋ بايقاۋىندا 6 ادام جەڭىسكە جەتتى - فوتو
بايقاۋدى ماڭعىستاۋ وبلىسىنىڭ قازاقستان حالقى اسسامبلەياسى، «قوعامدىق كەلىسىم» ك م م جانە ماڭعىستاۋ وبلىسىنىڭ «جاس قانات» جاستار ۇيىمى ۇيىمداستىردى.
«بايقاۋدا قويىلاتىن باستى تالاپ - وزگە ۇلت وكىلى بولۋ. بۇل شاراعا وڭىردە تۇراتىن 10 ءتۇرلى ەتنوس وكىلى قاتىستى. بايقاۋدىڭ نەگىزگى كەزەڭىندە ولار قازاقتىڭ بەلگىلى اقىندارى: مۇقاعالي ماقاتايەۆ، ماعجان جۇمابايەۆ، ماحمۇتباي تاجىبايەۆ جانە ت. ب. ولەڭدەرىن وقىدى. قوسىمشا «سۇراق- جاۋاپ» ۆيكتوريناسىن وتكىزدىك. وندا ەلوردامىز بەن استاناعا قاتىستى ساۋالدار قويىلدى»، - دەدى «قوعامدىق كەلىسىم» ك م م باسشىسى امانگۇل جايىلحانوۆا.
جەڭىمپازداردىڭ ىشىندە مۇقاعالى ماقاتايەۆتىڭ «قازاقستان» تۋىندىسىن وقىعان قىرعىز ەتنومادەني بىرلەستىگىنىڭ وكىلى جازيرا تالايبەك قىزى، نۇرپەرزەنت دومبايدىڭ «ەي، استانا!» شىعارماسىنان ءۇزىندى وقىعان ازەربايجان ەتنومادەني بىرلەستىگىنىڭ وكىلى سەدا گاسانوۆا بار. سونىمەن قاتار سەۆيليا گاديروۆا («استانا- ارمان قالا»، م. امىرە ۇلى)، ارميان ەتنومادەني بىرلەستىگىنىڭ وكىلى ارمەن سااكيان («قازاقستان»، ۇ. يستايەۆ)، «قازاقستاننىڭ كارىستەر قاۋىمداستىعى» ر ق ب اقتاۋلىق فيليالىنىڭ وكىلى الەكسەي لي («استانانى» )، كارينا الپبايەۆا («قازاق ءتىلى»، م. جۇمابايەۆ) ماراپاتقا يە بولدى.
بايقاۋ جەڭىمپازدارىنا باعالى سىيلىقتار ۇسىندى. بايقاۋ كونسەرتكە ۇلاستى.
