بوكس: قازاقستاننىڭ 6 قىزى - الەم چەمپيوناتىنىڭ جارتىلاي فينالىندا
اتاپ ايتقاندا، 48 كەلىدە نازىم قىزايباي، 51 كەلىدە جاينا شەكەربەكوۆا، 54 كەلىدە دينا جولامان، 57 كەلىدە ايجان قوجابەكوۆا، 69 كەلىدە ۆالەنتينا حالزوۆا جانە اسا اۋىر (81+) سالماقتاعى ءلاززات كۇنگەيبايەۆا ەل نامىسىن قورعايدى.
«قازسپورت» تەلەارناسى جارتىلاي فينالدىق باسەكەلەردى تىكەلەي ەفيردە كورسەتەتىنى جوسپارلانىپ وتىر. جارىستىڭ كۇندىزگى بولىگى استانا ۋاقىتىمەن 14:40 تا باستالادى. ال كەشكى بولىگى ساعات 18:40 تا جالعاسىن تاباتىن بولادى.
ال ەرتەڭ الەم چەمپيوناتىنىڭ ەڭ تارتىسقا تولى بولاتىن فينالدىق كەزدەسۋلەرىن «قازاقستان» ۇلتتىق تەلەارناسى تىكەلەي ەفيردە كورسەتەدى.
19- مامىر كۇنى باستالعان جاھاندىق باسەكە 27- مامىر كۇنى مارەسىنە جەتىپ، قىزدار اراسىنداعى الەمنىڭ ەڭ ۇزدىكتەرى انىقتالاتىن بولادى.
بارلىق ون سالماق بويىنشا التىن جۇلدە ءۇشىن بولاتىن شارشى الاڭداعى كەزدەسۋلەر استانا ۋاقىتىمەن 14:45 تە باستالادى.
ايتا كەتۋ كەرەك، الەم چەمپيوناتى وتكەن جىلى اشىلعان استانا قالاسىنداعى كوپ سالالى «بارىس-ارەنا» سپورت سارايىندا ءوتىپ جاتىر.
جانكۇيەرلەرگە تەگىن كىرۋ مۇمكىندىگى قاراستىرىلعان.
اۆتور: ايدىن بايمەن
