20:25, 05 - قازان 2015 | GMT +5
تۇركىستاندا توي كورتەجى توبىندا بولعان 6 جۇرگىزۋشى جازالاندى
شىمكەنت. قازاقپارات - و ق و پوليتسەيلەرى تۇركىستانداعى توي كورتەجى توبىندا بولعانداردى جازالادى.
كۋاگەرلەردىڭ ءبىرى توي كورتەجىنىڭ كولىكتەرى جول ەرەجەلەرىن بۇزعانىن ۇيالى تەلەفونىنا ءتۇسىرىپ العان. كورتەجگە قاتىسۋشىلاردىڭ كەيبىرەۋلەرى قارسى جولاققا شىعىپ، ارنايى دابىلداردى پايدالانىپ، وزگە جۇرگىزۋشىلەرگە كەدەرگى كەلتىرگەن.
پوليتسەيلەر «لەكسۋس»، «حاممەر»، «تايوتا لاند كرۋزەر» ماركىلى كولىكتەردىڭ 6 جۇرگىزۋشىسىن انىقتادى. ولاردىڭ بارلىعى - تۇركىستان تۇرعىندارى. قۇقىق بۇزۋشىلارعا قاتىستى ق ر ا ك ءۇش بابى بويىنشا اكىمشىلىك حاتتامالار تولتىرىلدى.
بۇزاقىلارعا ايىپپۇل سالىندى. ۇشەۋى كولىك جۇرگىزۋ قۇقىعىنان ايىرىلۋى مۇمكىن. بارلىق كولىكتەر تۇركىستاننىڭ ايىپپۇل تۇراعىنا جونەلتىلدى.
