11:43, 20 - ماۋسىم 2015 | GMT +5
جارما اۋدانى اكىمىنىڭ ورىنباسارىنا 6 ميلليون تەڭگە كولەمىندە ايىپپۇل سالىندى
استانا. قازاقپارات - سىبايلاس جەمقورلىققا قارسى كۇرەس قىزمەتكەرىنە پارا بەرمەك بولعان جارما اۋدانى اكىمىنىڭ ورىنباسارىنا ءىرى كولەمدە ايىپپۇل سالىنىپ، مۇلكىن تاركىلەۋ جازاسى كەسىلدى،
دەپ حابارلايدى YK-news.kz.
مەملەكەتتىك قىزمەتكەر جارما ايماعى بويىنشا جەمقورلىققا قارسى كۇرەس قىزمەتىنىڭ باسشىسىنا پارا ۇسىنعانى ءۇشىن ۇستالعان. پارانىڭ كولەمى - 200 مىڭ تەڭگە. ونىڭ ورنىنا شەنەۋنىك جەمقورلىققا قارسى ۆەدومستۆونىڭ مەملەكەتتىك ساتىپ الۋلارداعى ورەسكەل بۇزۋشىلىقتاردى ەلەمەۋىن سۇراعان.
جەمقورلىققا قارسى كۇرەس قىزمەتكەرى زاڭسىز ىستەرمەن اينالىسقان شەنەۋنىك تۋرالى باسشىلىعىنا حابارلادى. ءىرى كولەمدەگى پارانى بەرمەك بولعان اكىم ورىنباسارىنا التى ميلليون تەڭگە كولەمىندە ايىپپۇل سالىنىپ، مۇلكى تاركىلەندى، سونداي- اق ول ءومىرىنىڭ سوڭىنا دەيىن مەملەكەتتىك قىزمەتتە جۇمىس ىستەۋ قۇقىعىنان ايىرىلدى.
