قازاقستاننىڭ ق ك اسكەري قىزمەتشىلەرى م ي-6 تىكۇشاعىن كينوتەاتر ەتىپ قايتا جابدىقتادى - فوتو
بۇل تۋرالى ق ر قورعانىس مينيسترلىگىنىڭ باسپا ءسوز قىزمەتى حابارلادى.
اتاپ ايتقاندا، ق ر قورعانىس مينيسترلىگى ورتالىق اپپاراتىنىڭ اسكەري قىزمەتشىلەرى اتا-اناسىنىڭ قاراۋىنسىز قالعان جەتىم بالالارعا، سونداي-اق جۇيكە جۇيەسى زاقىمدالعان، وي-ءورىسى جانە دەنە دامۋىندا اقاۋلىعى بار مۇگەدەك بالالارعا تاربيە بەرۋ جانە مەديتسينالىق كومەك كورسەتۋمەن اينالىساتىن استانا قالاسىنىڭ مامانداندىرىلعان بالالار ۇيىندە بولدى. پولكوۆنيك مۇرات ماكىشيەۆ پەن پودپولكوۆنيك قۋانىش تولەۋبەكوۆ قازاقستان رەسپۋبليكاسى قورعانىس مينيسترلىگىنىڭ اتىنان بوبەكتەر ءۇيىنىڭ تاربيەلەنۋشىلەرىن قۇتتىقتادى، ولارعا ءارتۇرلى ويىنشىقتار سىيلادى جانە بۇلدىرشىندەرگە ارنالعان تاتتىگە تولى داستارحان جايدى.
ودان باسقا، اسكەري قىزمەتشىلەر بوبەكتەر ۇيىنە اۋىز سۋدى تازارتۋعا ارنالعان سۋ سۇزگىشىن تابىس ەتتى. 4 جاسقا دەيىنگى تاربيەلەنۋشىلەر مەيماندارعا كونسەرت قويىپ، «قاسقىر جانە جەتى لاق» تەاترلاندىرىلعان قويىلىمىن ۇسىندى. بۇل مەرەكە سابيلەرگە كۇلكى، قۋانىش جانە جاقسى كوڭىل-كۇي سىيلاعان ناعىز قيال-عاجايىپقا تولى ەرتەگى بولدى.
ال اقتوبەدەگى اۋە قورعانىسى كۇشتەرىنىڭ اسكەري ينستيتۋتىندا بالالارعا بالمۇزداق پەن سۋسىنداردى تەگىن تاراتۋدى ۇيىمداستىرىپ، باتۋت ورناتتى جانە اسفالتتا سالىنعان سۋرەتتەر بايقاۋىن وتكىزدى. كينوتەاتر ەتىلىپ جابدىقتالعان م ي-6 تىكۇشاعىندا بالالار مۋلتفيلمدەرىن كورسەتتى.
سونداي-اق سەمەي گارنيزونىنىڭ 28738 ءا/ب بازاسىندا سپورتتىق وتباسىلىق ەستافەتا ءوتىپ، وندا 36803 ءا/ب اسكەري قىزمەتشىلەرىنىڭ وتباسىلىق كومانداسى جانعابىلوۆتار اۋلەتى جەڭىسكە جەتتى.