ۇلتتىق قوردان گەولوگيالىق بارلاۋ جۇمىستارىنا قوسىمشا 6 ميلليارد تەڭگە ءبولىندى
بۇل تۋرالى ق ر يندۋستريا جانە دامۋ مينيسترلىگى گەولوگيا جانە جەر قويناۋىن پايدالاۋ كوميتەتى ءتوراعاسىنىڭ ورىنباسارى ەرلان بايتۇقبايەۆ ءمالىم ەتتى.
«ق ر ۇلتتىق قورىنان جەر قويناۋىنىڭ بولاشاعى زور تەلىمدەرىندە گەولوگيالىق بارلاۋ جۇمىستارى كولەمىن ارتتىرۋعا 6 ميلليارد تەڭگە ءبولىندى. ونىڭ ىشىندە «قازگەولوگياعا» مەملەكەتتىك تاپسىرمالاردى ورىنداۋ ءۇشىن 1 ميلليارد تەڭگە قاراستىرىلىپ وتىر»، - دەدى ول.
ونىڭ اتاپ وتۋىنشە، قالعان 5 ميلليارد تەڭگە كەلەسى جۇمىستارعا جۇمسالادى: ايماقتىق گەوفيزيكالىق زەرتتەۋلەرگە - 1471167 مىڭ تەڭگە، قاتتى پايدالى قازبالاردى ىزدەۋ جۇمىستارىنا - 1672912 مىڭ تەڭگە، كومىرسۋتەك شيكىزاتىن ىزدەۋ جۇمىستارىنا - 2486092 مىڭ تەڭگە، قاتتى پايدالى قازبالاردى ىزدەۋ- باعالاۋ جۇمىستارىنا - 396771 مىڭ تەڭگە، گەوتەرمالدى سۋلاردى ىزدەۋ- بارلاۋ جۇمىستارىنا - 670000 مىڭ تەڭگە. اتالعان جۇمىستار 16 نىسان بويىنشا جۇرگىزىلەدى.
«بۇگىن ءبىز «ۇڭعىمالاردى جويۋ» باعدارلاماسى بايقاۋىنا ارنالعان وتىنىمدەردى قارايمىز. وندا اقتوبە، اتىراۋ جانە ماڭعىستاۋ وبلىستارىنداعى 13 ۇڭعىمانى جويۋ جۇمىستارىنا الەۋەتتى جەتكىزۋشى ىرىكتەيمىز»، - دەدى ول.
