10:43, 07 - قازان 2014 | GMT +5
ايفون 6 سمارتفونىنىڭ تاعى ءبىر كەمشىلىگى انىقتالدى
استانا. قازاقپارات - iPhone 6 سمارتفونىنىڭ تاعى ءبىر كەمشىلىگى انىقتالدى، دەپ جازادى شەتەلدىك ب ا ق.
امەريكانىڭ Apple كومپانياسىنان شىققان جاڭا گادجەتتى پايدالانۋشىلار سمارتفوننىڭ تاعى ءبىر جاعىمسىز ەرەكشەلىگىن تاپتى. پايدالانۋشىلاردىڭ سوزىنە قاراعاندا، ادامنىڭ باسى مەن ساقالىندا وسەتىن شاش پەن تۇك ۇنەمى كونسترۋكسيا ەلەمەنتتەرىنىڭ اراسىندا تۇرىپ قالادى.
9to5Mac حابارلاعانداي، iPhone 6 شاشتى جۇلىپ، سمارتفون يەلەرىنىڭ وزدەرىن جاعىمسىز سەزىنەتىندىكتەرى جايلى بلوگتاردا قازان ايىنىڭ باس كەزىندە ايتىلىپ ءجۇردى. اپپارات يەلەرىنىڭ سوزىنە قاراعاندا، بۇل پروبلەماعا ديسپلەي شىنىسى مەن ونىڭ مەتالل جيەگىنىڭ اراسىندا ورنالاسقان شاعىن ساڭىلاۋلار سەبەپ بولعان.
«مەنىڭ شاشتارىم سويلەسۋ كەزىندە شىنى مەن كورپۋس اراسىنداعى ساڭىلاۋعا تۇسە بەرەدى. ال تۇتقانى قۇلاعىمنان العان كەزدە، اۋىرىپ كەتەدى»، - دەپ شاعىم ايتقان پايدالانۋشىلاردىڭ ءبىرى.
