رەسەيدىڭ 67 جاستاعى اتاقتى ءانشىسى ءوزىنىڭ جاڭا وبرازىمەن جەلىنى جاردى

استانا. قازاقپارات - اللا پۋگاچەۆا ستيلىن وزگەرتىپ، قاتتى جاسارىپ كەتتى.

پريمادوننانىڭ ءستيليستى ونى جاڭا بيۋتي-ەكسپەريمەنت جاساۋعا كوندىرىپ، جۇلدىزدى ادام تانىماستاي وزگەرتىپ، مۇلدەم جاسارتىپ جىبەردى.

قازىرگى تاڭدا اللا پۋگاچەۆانىڭ جاڭا وبرازى الەۋمەتتىك جەلىلەردە قىزۋ تالقىلانۋ ۇستىندە، دەپ حابارلايدى رەسەيلىك ب ا ق.

ءانشىنىڭ جەكە ءستيليستى، ديزەينەر اليشەر ونىڭ جاڭا وبرازىن ينستاگرام جەلىسىندە جاريالادى. فوتودان 67 جاستاعى اللا پۋگاچەۆانىڭ جاستارعا ءتان سپورتتىق ستيلدەگى وبرازىن كورۋگە بولادى.

«اللا بوريس قىزى ءۇشىن وسىنداي كوڭىلدى وبرازدار جاساۋعا تىرىسامىن، ال ول بولسا ۇيالادى. فوتوعا تۇسۋگە ارەڭ كوندىردىم... مەنىڭشە، اللا وسىلاي شىنايى كورىنەتىن سەكىلدى»، - دەگەن جازبا قالدىرعان اليشەر فوتونىڭ استىنا.

ونىڭ ايتۋىنشا، اللا پۋگاچەۆا مۇنداي قادامدارعا بىردەن بارا بەرمەيدى، ول ءۇشىن ۇزاق ۋاقىت بويى ۇگىتتەۋگە تۋرا كەلەدى ەكەن.