13:25, 20 - ءساۋىر 2023 | GMT +5
شەتەلدەن قازاقستانعا 670 ميلليارد تەڭگە قايتارىلدى
استانا. قازاقپارات - ق ر پرەمەر-ءمينيسترىنىڭ ورىنباسارى - قارجى ءمينيسترى ەرۇلان جاماۋبايەۆ شەتەلدەن قازاقستانعا 600 ميلليارد تەڭگەدەن استام قاراجات قايتارىلعانىن ايتتى، دەپ حابارلايدى قازاقپارات ءتىلشىسى.
بۇگىن ماجىلىستە تىلشىلەر ۇكىمەت باسشىسىنىڭ ورىنباسارىنا ەلدەن زاڭسىز شىعارىلعان اكتيۆتەردى قايتارۋعا قاتىستى سۇراق قويدى.
«بۇل باعىتتاعى جۇمىستار بويىنشا باس پروكۋراتۋرانىڭ دەرەكتەرى جاريالانىپ جاتىر. قازىرگى كەزدە 670 ميلليارد تەڭگە قاتارىلدى»، - دەدى ە. جاماۋبايەۆ.
بۇدان بۇرىن حابارلانعانداي، بىلتىر قاراشا ايىندا مەملەكەت باسشىسى قاسىم-جومارت توقايەۆ زاڭسىز شىعارىلعان اكتيۆتەردى مەملەكەتكە قايتارۋ جونىندەگى شارالار تۋرالى جارلىققا قول قويدى.
سونىمەن قاتار بىلتىر كۇزدە باس پروكۋرور بەرىك اسىلوۆ الىس شەتەلدەردەن 400 ميلليون دوللار قايتارىلعانىن ايتتى.
