جامبىل وبلىسىنداعى جارىلىستان زارداپ شەككەندەر سانى 66 ادامعا جەتتى
جامبىل وبلىسى اكىمدىگىنىڭ حابارلاۋىنشا، اتالمىش ماسەلەگە بايلانىستى قانداي دا ءبىر تۋىنداعان سۇراقتار ءۇشىن: - 109 تەلەفون ءنومىرى؛ - 87788109109 ۆاتساپ جەلىسى ارنايى ىسكە قوسىلدى. سونىمەن قاتار، 87262544167 تەلەفون ءنومىرى ارقىلى جەدەل جەلىگە حابارلاسۋعا بولادى. اپات بولعان اۋماقتان ەۆاكۋاتسيالانعان تۇرعىندارعا ارنالىپ، وبلىس ورتالىعىنان 400 دەن استام ورىن دايىندالعان. زارداپ شەككەندەرگە كومەك كورسەتۋ ءۇشىن 32 دارىگەر مەن 56 مەديتسينالىق قىزمەتكەر جۇمىلدىرىلدى. 26 تامىز ساعات 23.30 دەگى جاعداي بويىنشا تاراز قالالىق 1№ اۋرۋحاناسىنا جانە بايزاق اۋداندىق ورتالىق اۋرۋحاناسىنا 66 ادام جەتكىزىلدى. ولاردىڭ كوپشىلىگى جەڭىل جاراقاتتانعان بولسا، 2 ءى ازامات اۋىر جاراقات العاندار. «سونىمەن قاتار، جۇرتشىلىقتان جانە ب ا ق وكىلدەرىنەن تەك قانا رەسمي تۇردە جەدەل شتاب تاراپىنان ۇسىنىلاتىن اقپاراتتى نازارعا الۋدى سۇرايمىز»، - دەلىنگەن حابارلامادا.
ايتا كەتەيىك، كەشە ساعات شامامەن 19:00 دە جامبىل وبلىسىنىڭ بايزاق اۋدانىندا ورنالاسقان اسكەري ءبولىم قويمالارىنىڭ بىرىنەن ءورت شىعىپ، جارىلىس بولدى.