الماتىدا 65 جاستاعى پاتسيەنتكە جۇرەكتىڭ جاساندى قارىنشاسى سالىندى
الماتى وبلىسى ەڭبەكشىقازاق اۋدانىنان كەلگەن 65 جاستاعى حريستوفور كساندوپۋلو 2017 -جىلدان بەرى اۋىرادى.
ول يشەميالىق ديلاتاتسيالىق كارديوميوپاتيادان زارداپ شەكتى، سول جاق قارىنشانىڭ شىعارىلىم فراكتسياسى وتە تومەن بولدى – نەبارى % 20، ميوكارد ينفاركتىسىن العان، الدىڭعى تومەندەيتىن ارتەريانى ستەنتتەۋ بويىنشا وپەراتسيا جاسالدى، سونداي- اق كەنەتتەن جۇرەك ءولىمىنىڭ الدىن الۋ ءۇشىن كارديوۆەرتەر- دەفيبريللياتور يمپلانتتالدى.
جۇرەك جەتكىلىكسىزدىگىنىڭ دەكومپەنساتسياسى ماسەلەسى بويىنشا بىرنەشە رەت تەراپيادان وتكەن.
ع ز ي باسقارما ءتوراعاسى مارات پاشيموۆتىڭ ايتۋىنشا، استانا ۇلتتىق عىلىمي كارديوحيرۋرگيا ورتالىعىنىڭ باسقارما ءتوراعاسى ماحاببات بەكبوسىنوۆانىڭ جانە ورتالىقتىڭ جەتەكشى ماماندارىنىڭ قاتىسۋىمەن وتكەن كونسيليۋمدا پاتسيەنتكە LVAD يمپلانتاتسياسىن جاساۋ ۇسىنىلعان.
«وسى جىلدىڭ ءساۋىر ايىندا ۇلتتىق عىلىمي كارديوحيرۋرگيا ورتالىعى باسشىلىعىمەن بولعان كەزدەسۋ بارىسىندا ءبىز حالىققا مەديتسينالىق كومەك كورسەتۋدىڭ قولجەتىمدىلىگى مەن ساپاسىن قامتاماسىز ەتۋ ءۇشىن ءوزارا تاجىريبە، يننوۆاتسيالار جانە تەحنولوگيالارمەن الماسۋ بويىنشا ىنتىماقتاستىقتى جالعاستىرامىز دەپ كەلىسكەن ەدىك. ءبىزدىڭ دارىگەرلەرمەن بىرگە وسى كۇردەلى وپەراتسيانى جاساعان استانا قالاسىنىڭ ۇعكو ارىپتەستەرىمە العىس ايتقىم كەلەدى. وپەراتسيا الەۋمەتتىك ساقتاندىرۋ قورى ەسەبىنەن جۇزەگە اسىرىلادى جانە قازاقستان ازاماتتارى ءۇشىن تەگىن»، - دەپ اتاپ ءوتتى مارات پاشيموۆ.
كارديولوگيا جانە ىشكى اۋرۋلار عزي كارديوحيرۋرگيا بولىمشەسىنىڭ مەڭگەرۋشىسى رۋستەم تۋلەۋتايەۆ اتاپ وتكەندەي، ناۋقاس وپەراتسيا ۇستەلىنە جاتقانعا دەيىن ءۇش رەت جانساقتاۋ بولىمىندە جاتتى.
بۇعان دەيىن ول بىرنەشە رەت اۋرۋحانالاردا ەم قابىلداعانىمەن، ەمىنەن ناتيجە بولمادى.
«بۇعان دەيىن مۇنداي دياگنوزى بار ناۋقاستار رەزەرۆتىك مۇمكىندىگىنشە ءومىر سۇرەتىن، ەندى بۇل ادامداردىڭ ءومىرىن ۇزارتۋعا مۇمكىندىك بار، مۇنداي اپپاراتتار الەمدە ءجيى ورناتىلىپ جاتىر. دەگەنمەن، وپەراتسيا قۇنى قىمبات بولعاندىقتان مۇنداي وتالاردى كەز كەلگەن ەلدىڭ قالتاسى كوتەرە بەرمەيدى»، - دەپ تۇيىندەدى دارىگەر.
يمپلانتاتسيادان كەيىن جالپى اعزانىڭ جاعدايى جاقسارادى، جۇرەك جەتكىلىكسىزدىگىنىڭ بەلگىلەرى كەرى قايتادى.
ناۋقاستىڭ قازىر جاعدايى جاقسى، ءوزىن جاقسى سەزىنەدى، ىسىگى باسىلدى، ەنتىگۋ جوق، ۇيىقتايتىن بولدى، ورنىنان تۇرىپ، ءجۇرىپ ءجۇر. الداعى اپتادا ۇيىنە شىعادى.
بۇعان دەيىن، كارديولوگيا جانە ىشكى اۋرۋلار عىلىمي- زەرتتەۋ (ع ز ي) ينستيتۋتىنىڭ بازاسىندا ت م د بويىنشا العاش رەت جۇرەك قاقپاقشاسىنىڭ جاڭا بيولوگيالىق پروتەزىن يمپلانتتاۋ وپەراتسياسى جاسالعانىن جازعان ەدىك.
