«قاراپايىم زاتتار ەكونوميكاسى»: الماتىدا 65 جوبا قارجىلاندىرىلدى

الماتى. قازاقپارات - الماتى قالاسىنىڭ كاسىپكەرلەر پالاتاسىنىڭ ديرەكتورى ايتۋار قوشمامبەتوۆ ونلاين بريفينگ بارىسىندا «قاراپايىم زاتتار ەكونوميكاسى» مەملەكەتتىك باعدارلاماسىنىڭ جۇزەگە اسىرىلۋى جانە ينفراقۇرىلىمدىق جوبالاردا جەرگىلىكتى قامتۋ ۇلەسىن ارتتىرۋ شارالارى تۋرالى ايتىپ بەردى، دەپ حابارلايدى قازاقپارات ءتىلشىسى.

وسى ماقساتتا ۇلتتىق كاسىپكەرلەر پالاتاسى الاڭىندا باسىم جوبالارعا جەڭىلدىكپەن نەسيە بەرۋ باعدارلاماسىنىڭ جۇمىسىنا مونيتورينگ جۇرگىزۋ بويىنشا جوبالىق كەڭسە قۇرىلدى.

«2020 -جىلدىڭ 5-قاراشاداعى جاعداي بويىنشا 110,5 ميلليارد تەڭگە سوماسىنا 65 جوبا ماقۇلداندى. ونىڭ ىشىندە 89,9 ميلليارد تەڭگە سوماسىنا 54 جوبا قارجىلاندىرىلدى. 14,3 ميلليارد تەڭگە سوماسىنا 7 جوبا قاراۋ جانە قۇجاتتاردى جيناۋ ساتىسىندا»، - دەيدى ايتۋار قوشمامبەتوۆ.

ونىڭ ايتۋىنشا، جۇمىستارىنىڭ تاعى ءبىر ماڭىزدى باعىتىنىڭ ءبىرى - قازاقستاندىق تاۋار وندىرۋشىلەرگە مەملەكەتتىك ساتىپ الۋلارعا قاتىسۋ كەزىندە قولداۋ كورسەتۋ.

«يندۋستريالىق سەرتيفيكاتتاردى بەرۋ — ۇلتتىق كاسىپكەرلەر پالاتاسىنىڭ قۇزىرىندا. يندۋستريالىق سەرتيفيكات - بۇل ءوندىرىستىڭ بار ەكەندىگىن راستايتىن، ءبىراق جەرگىلىكتى قامتۋدىڭ ۇلەسىن جانە تاۋاردىڭ ناقتى پارتياسىنداعى نەمەسە بىرلىگىندەگى شىعۋ تەگىن ايقىندامايتىن قۇجات. بيىل الماتى قالاسىنىڭ كاسىپكەرلەر پالاتاسى 47 يندۋستريالىق سەرتيفيكات، 355 «CT- KZ» نىسانىنداعى سەرتيفيكات جانە 4782 تاۋاردىڭ ەكسپورتقا شىعارىلعانى تۋرالى سەرتيفيكات بەردى»، - دەيدى سپيكەر.