يران يادرولىق كەلىسىمدى بۇزسا، 65 كۇن ىشىندە سانكسيالار قايتا سالىنادى
كەلىسىم كۇشىنە ەنگەن كۇننەن باستاپ 10 جىلدان كەيىن تەگەرانعا سالىنعان بارلىق جازالاۋ شارالارى كۇشىن جوياتىن بولادى. ول ءۇشىن تاراپتار قۇجاتتا كورسەتىلگەن مىندەتتەمەلەرىن ورىنداۋى ءتيىس.
ايتا كەتەيىك، قۇرامىنا ۇلى بريتانيا، رەسەي، گەرمانيا، قىتاي، ا ق ش جانە فرانسيا كىرەتىن «التىلىق» پەن يران 14 - شىلدەدە ۆەنادا ورتاق كەلىسىمگە كەلگەن بولاتىن. سوعان سايكەس تەگەراننىڭ يادرولىق باعدارلاماسىنا شەكتەۋلەر قويىلادى. ەگەر دە يران يادرولىق كەلىسىمدى بۇزسا، 65 كۇن ىشىندە سانكسيالار قايتا سالىنادى.
ايتا كەتەيىك، ءبىزدىڭ ەلىمىز يراننىڭ يادرولىق باعدارلاماسىن قۇپتايدى. وسى ماسەلە توڭىرەگىندە س ءى م ارنايى مالىمدەمە جاسادى. بۇل ايماقتىق جانە حالىقارالىق قاۋىپسىزدىكتى نىعايتۋعا زور مۇمكىندىك بەرمەك. سونىمەن بىرگە يران مەن حالىقارالىق قاۋىمداستىق اراسىنداعى قارىم- قاتىناستى رەتتەۋگە ۇلەس قوسادى. سونداي- اق بۇگىن اقتاۋدا يراندىق تاۋار وندىرۋشىلەردىڭ ەكونوميكالىق كورمەسى ءوز جۇمىسىن باستاپ جاتىر.
قازىرگى تاڭدا ماڭعىستاۋ وبلىسى مەن يران اراسىندا ءوزارا تاۋار اينالىمى 36 ميلليون دوللار كولەمىندە. بۇل وكىنىشكە وراي از كورسەتكىش. يران ەلىنە سالىنعان سانكسيالار ءبىزدىڭ جان- جاقتى قارىم- قاتىناس ورناتۋىمىزعا كەدەرگى كەلتىرگەن بولاتىن. ەندى سانكسيالار ءوز كۇشىن جويسا، ەكى ەل اراسىنداعى ساۋدا- ساتتىق كولەمى ارتا تۇسەتىن بولادى.
