11:01, 23 - تامىز 2014 | GMT +5
مەشىتكە شابۋىل جاسالىپ، 65 ادام قازا تاپتى
استانا. قازاقپارات - يراكتىڭ شىعىسىندا ءسۇننيت مەشىتىنە شابۋىل كەزىندە 65 تەن استام ادام قازا تاپتى. قارۋلانعان ادامدار ءداستۇرلى جۇما نامازى ۋاقىتىندا عيماراتقا باسا-كوكتەپ كىرگەن، دەپ حابارلادى بي-بي-سي.
ءسۇننيت كوشباسشىلارى بولعان وقيعاعا شەيىت سودىرلارىن ايىپتادى، ولار جەرگىلىكتى اسكەري كومانديردىڭ قاراۋىلشى جاساعىنا شابۋىل جاساعانى ءۇشىن ءوش الۋى مۇمكىن. مەشىتكە شابۋىل جاسالعاننان كەيىن ەكى سۇننيتتىك پارلامەنتتىك بلوك جاڭا - بارىنشا وكىلدى - ۇكىمەت قالىپتاستىرۋ جونىندەگى كەلىسسوزگە قاتىسۋدى ۋاقىتشا توقتاتتى.
يراكتىڭ جاڭا پرەمەر-ءمينيسترى حايدەر ال-ابادي «يسلام مەملەكەتىنىڭ» سودىرلارىمەن كۇرەستە ەلدى بىرىكتىرۋ ءۇشىن سۇننيتتەر مەن كۋردتاردىڭ قولداۋىنا جۇگىنگىسى كەلەدى.
