قازاقستاندا 64 ەكسترەميستىك اكسيانىڭ جولى كەسىلدى
«وسى جىلدىڭ جازىندا الماتى مەن اقتوبەدە ورىن العان قايعىلى جايتتار ءالى دە ەسىمىزدە. دەگەنمەن، مۇنداي مىسالدار ودان دا كوپ بولار ەدى. 2011 -جىلدان بەرى زورلىق- زومبىلىققا باعىتتالعان 64 ەكسترەميستىك اكسيانىڭ الدى الىنىپ، جولى كەسىلدى. ال وسى جىلدىڭ باسىنان بەرى مۇنداي 9 اكسياعا توسقاۋىل قويىلدى. قاراپايىم حالىق كوپ جينالاتىن ورىندارعا، سونىمەن بىرگە قۇقىق قورعاۋ ورگاندارى مەن ارناۋلى مەملەكەتتىك ورگانداردىڭ نىساندارىنا جانە قىزمەتكەرلەرىنە لاڭكەستىك شابۋىل جاسالۋىنا جول بەرىلگەن جوق»، - دەدى ۇ ق ك ءتوراعاسىنىڭ ورىنباسارى.
ونىڭ ايتۋىنشا، اۋعانستاندا، سيريا مەن يراكتا قارۋلى قاقتىعىستار باستالعان ساتتەن بەرى حالىقارالىق لاڭكەستىك ۇيىمداردىڭ لاگەرلەرىنەن، سونىمەن قاتار ءۇشىنشى ەلدەردەگى تىرەك جانە ترانزيتتىك ينفراقۇرىلىمداردان قازاقستاننىڭ 45 ازاماتى قايتارىلدى. مۇنان بولەك، 33 ازامات ءوز ەركىمەن ەلگە ورالدى. لاڭكەستىك ارەكەتتەرگە قاتىسى 33 ادام قىلمىستىق جاۋاپكەرشىلىككە تارتىلدى.
«5 جىلدا تەرروريستىك جانە ءدىني سيپاتتاعى قىلمىستار جاساعانى ءۇشىن 445 ادام سوتتالدى. وسى جىلدىڭ باسىنان بەرى 25 ادام سوتتالسا، شامامەن 50 ادام تەرگەۋ وقشاۋلاعىشىندا وتىر»، - دەدى ن. بىلىسبەكوۆ.
