جىل سوڭىنا دەيىن 643 اۋىل ينتەرنەت جەلىسىنە قوسىلادى
«بۇگىنگى كۇنى توتەنشە جاعداي كەزىندە ينتەرنەت جۇيەسى ەڭ قاجەتتى قۇرال بولىپ وتىر. سوندىقتان حالىق اراسىندا الەۋمەتتىك جۇيەلەردە ينتەرنەتتىڭ ساپاسى جايىندا كوپتەگەن ماسەلەلەر تۋىنداۋدا. وسىعان بايلانىستى، ينتەرنەتتىڭ ۇزدىكسىز جانە ساپالى جۇمىس ىستەۋىن قامتاماسىز ەتۋ ماقساتىندا ەڭبەك ەتىپ جۇرگەن الدىڭعى قاتارلى بايلانىس وپەراتورلارىنىڭ باسشىلارىمەن بىرگە، ينتەرنەتتىڭ بۇگىنگى جاعدايى تۋرالى سىزدەردى حاباردار ەتپەكشىمىز. ءبىزدىڭ مينيسترلىكتىڭ سالالىق مەملەكەتتىك ورگان رەتىندەگى نەگىزگى مىندەتى - ءاربىر قازاقستاندىقتىڭ جوعارى جىلدامدىقتى ينتەرنەتكە قوسىلۋ مۇمكىندىگىن قامتاماسىز ەتۋ تەلەكوممۋنيكاتسيا قىزمەتتەرى نارىعىن ارتتىرىپ، قىزمەتتەردىڭ باسقا دا تۇرلەرىن ۇلعايتىپ، تۇتىنۋشىلاردىڭ سۇرانىسىن جاۋىپ، ەل ەكونوميكاسىن كوتەرۋ بولىپ سانالادى. بۇل ورايدا، وسى مىندەتتى ورىنداۋ ماقساتىندا بايلانىس وپەراتورلارىمەن بىرلەسە وتىرىپ، ءبىرقاتار جوبالار ىسكە اسىرىلۋدا» ، - دەدى ول.
ۆيتسە- ءمينيستردىڭ ايتۋىنشا، قولدانىستاعى «بايلانىس تۋرالى» زاڭعا سايكەس، بايلانىس وپەراتورلارى ءوز قاراجاتتارى ەسەبىنەن بايلانىس جۇيەلەرىن سالۋ جانە دامىتۋدى ىسكە اسىرادى.
«بۇل جۇمىس 2018 -جىلى باستالعان بولاتىن. ەكى جىل ىشىندە كوپ جۇمىستار اتقارىلدى. جالپى جوبا بويىنشا 1250 اۋىلدى ينتەرنەت جەلىسىنە قوسۋ جوسپارلانسا، بۇگىنگى تاڭدا 607 اۋىل قوسىلعان. الداعى ۋاقىتتا بۇل جۇمىس جالعاسىن تاۋىپ، قالعان 643 اۋىل جىل سوڭىنا دەيىن ينتەرنەت جەلىسىنە قوسىلاتىن بولادى» ، - دەدى ول.
