بيىل قازاقستانعا شەتەلدىك جۇمىس كۇشىن تارتۋ كۆوتاسى 63 مىڭ ادامدى قۇرادى

استانا. قازاقپارات - رەسمي دەرەككوزدەر مالىمەتتەرى بويىنشا 5 جىلدىڭ ىشىندە قازاقستانعا كەلگەن شەتەل ازاماتتارىنىڭ سانى وزگەرگەن جوق.

 قازاقستانداعى شەتەل قىزمەتكەرلەرىنىڭ قىزمەتى كۆوتا ارقىلى شەشىلەدى، ياعني ق ر ۇكىمەتى جىل سايىن تابىس تابۋعا قازاقستانعا كەلەتىن شەتەلدىكتەردىڭ سانىن بەلگىلەيدى (تىركەيدى). بۇل كۆوتا ەكونوميكالىق بەلسەندى حالىقتىڭ 0,7 پايىزىنان اسپايدى. مىسالى، 2016 -جىلى كۆوتا 63 مىڭ ادامدى قۇرادى.

 الدىڭعى جىلى دا كۆوتا مولشەرى وسىنداي بولدى. الايدا 2015 - جىلى بار- جوعى 32 مىڭ عانا رۇقسات بەرىلدى، وسىلايشا، كۆوتا تەك جارتىلاي عانا يگەرىلدى. بۇل رەتتە، كۆوتا تاپشىلىعى وتاندىق ەڭبەك نارىعىندا بايقالاتىن بىلىكتى قىزمەتكەرلەردى تارتۋدى كوزدەيدى. ولاردىڭ 2034- ءى عانا اۋىل شارۋاشىلىعى سالاسىندا جۇمىس ىستەۋگە كەلگەن.

جىل سايىن رەسپۋبليكامىزعا ورتا ەسەپەن العاندا ءتۇرلى ماقساتپەن ءبىر ميلليوننان استام شەتەلدىك ازامات كەلەدى. بۇلار تۋريستەر، ىسساپارمەن كەلگەندەر، ستۋدەنتتەر، جۇمىسكەرلەر جانە ت. ب. ولاردىڭ كوپشىلىگى (80-90 پايىز) - ت م د ەلدەرىنىڭ ازاماتتارى.