شىعىس قازاقستاندا جوعالعان ءۇش جاسار بالانى ىزدەۋگە 621 ادام جانە تىكۇشاق تارتىلدى
ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ۇلان اۋدانى تاۆريا اۋىلىندا پوليتسەيلەر، قۇتقارۋشىلار، ەرىكتىلەر مەن جاناشىر تۇرعىندار ءتۇنى بويى 3 جاسار بالانى ىزدەگەن. ءادىلحان سەيسەمبايدىڭ جوعالىپ كەتكەنى تۋرالى ونىڭ اكەسى پوليتسياعا حابارلادى. ايتۋىنشا، بالا ادەتتەگىدەي اۋلاعا ويناۋعا شىققان، ءبىراق ءبىراز ۋاقىتتان كەيىن جوعالىپ كەتكەن. وسى ۋاقىتقا دەيىن ونىڭ قايدا ەكەنى بەلگىسىز.
«قازىرگى ۋاقىتتا اۋقىمدى ىزدەستىرۋ وپەراتسياسى جۇرگىزىلىپ، اۋىل اۋماعى 16 سەكتورعا بولىنگەن. بارلىعى 621 ادام جۇمىلدىرىلدى. سونداي- اق كۆادروكوپتەرلەر مەن تىكۇشاق تارتىلعان»، - دەلىنگەن اقپاراتتا.
بالانىڭ بويى 90-100 س م، دەنە ءبىتىمى ارىق، شاشى قارا، كوزى قوڭىر. ۇستىندە جاسىل ءتۇستى فۋتبولكا، اق- كوك ءتۇستى قالپاق، جاسىل ءتۇستى شورتى، قارا- كوك ءتۇستى كروسسوۆكا بولعان.
جوعالعان بالانىڭ ورنالاسقان جەرى تۋرالى قانداي دا ءبىر اقپارات بولسا «102» جەدەل ارناسىنا حابارلاسۋ قاجەت.
اۆتور: تالعاتجان مۇحامەتبەك ۇلى
