قازاقستاندا تەلەكوممۋنيكاتسيالىق قىزمەتتەر نارىعى 619 ميلليارد تەڭگەدەن استى - د. ابايەۆ
بۇل تۋرالى بۇگىن استانادا «قازاق تەلەكوم: يننوۆاتسيالار ستراتەگياسى» فورۋمىندا ق ر اقپارات جانە كوممۋنيكاتسيالار ءمينيسترى داۋرەن ابايەۆ ءمالىم ەتتى.
مينيستر بۇگىندە ەلىمىز وسى سالانى دامىتۋعا ايرىقشا نازار اۋدارىپ وتىرعانىن ايتا كەلە، وسى رەتتە 21- عاسىردا مەملەكەتتىڭ باسەكەگە قابىلەتتىلىگى كوبىنەسە تەحنولوگيالىق ىلگەرىلەۋ دەڭگەيىنە بايلانىستى ەكەنىن، «اقپاراتتىق قازاقستان» مەملەكەتتىك باعدارلاماسىن جۇزەگە اسىرۋ جىلدارىندا بۇل باعىتتا ەلەۋلى جەتىستىكتەرگە قول جەتكىزىلگەنىن اتاپ ءوتتى. حالىقتى موبيلدىك بايلانىسپەن، كەڭ جولاقتى ينتەرنەتكە قولجەتىمدىلىكپەن، ساندىق ەفيرلىك حابار تاراتۋمەن كەڭىنەن قامتۋ قامتاماسىز ەتىلدى.
«بۇگىندە تەلەكوممۋنيكاتسيالىق قىزمەتتەر نارىعى ماڭىزدى سەكتورلاردىڭ ءبىرى بولىپ وتىر، سونداي-اق ەكونوميكانىڭ كوپتەگەن سالالارى ءۇشىن ايرىقشا ماڭىزدىلىققا يە. ونىڭ كولەمى 619 ميلليارد تەڭگەدەن استى. وسى باعىتتا كەڭىنەن قاتىسۋى، ىسكە اسىرىلىپ وتىرعان جوبالار مەن ورىندالعان ماقساتتار تۇرعىسىندا «قازاقتەلەكوم» سالانىڭ فلاگمانى بولىپ تابىلادى»، - دەدى د. ابايەۆ.
«كومپانيا جۇمىسىنىڭ اشىقتىعى ۇستانىمدارىن ساقتاۋ قاجەتتىگىن اتاپ وتكىم كەلەدى. ءوز كەزەگىندە مينيسترلىك وكىلەتتى ورگان رەتىندە نارىقتىڭ بارلىق قاتىسۋشىلارىنا تەڭدەي مۇمكىندىكتەر ءۇشىن جاعدايدى قۇرا وتىرىپ، سالانى دامىتۋدى ارى قاراي دا ىنتالاندىرادى»، - دەپ اتاپ ءوتتى مينيستر.
اۆتور: رۋسلان عابباسوۆ
