شىمكەنتتە ءبىر تاۋلىكتە 60 ادام كوروناۆيرۋس جۇقتىرعان
بۇل تۋرالى قالالىق توتەنشە جاعداي شتابى مالىمەت تاراتتى، دەپ حابارلايدى قازاقپارات ءتىلشىسى. COVID-19 دياگنوزى ناقتىلانعانداردىڭ 58 ى - ۆيرۋس جۇقتىرعاندارمەن جاقىن قارىم-قاتىناستا بولعاندار. تاعى ءبىر ادام اتىراۋ وبلىسىنان كەلگەن. سونداي-اق، جەدەل رەسپيراتورلى ۆيرۋستى ينفەكسيا بەلگىلەرىمەن اۋرۋحاناعا جاتقىزىلعان ناۋقاستىڭ دا قاۋىپتى ىندەت جۇقتىرعانى انىقتالدى. ولاردىڭ بارلىعى ينفەكسيالىق ستاتسيونارعا جاتقىزىلعان.
«قازىرگى تاڭدا ناۋقاستاردىڭ جاعدايى ءبىرقالىپتى. بەكىتىلگەن حاتتاماعا سايكەس ءتيىستى ەم جۇرگىزىلۋدە. پروفيلاكتيكالىق ءىس-شارالاردى جۇرگىزۋ ءۇشىن، ناۋقاسپەن قارىم-قاتىناستا بولعان ادامدار انىقتالۋدا. اۋرۋ وشاقتارىندا دەزينفەكسيالىق جۇمىستار جۇرگىزىلۋدە» دەلىنگەن حابارلامادا.
ايتا كەتەيىك، قالا بويىنشا كوروناۆيرۋس ينفەكسياسىن جۇقتىرعانداردىڭ سانى 404 ادامعا جەتكەن.
