قازاقستاندا اۋىل شارۋاشىلىعىنا جارامدى جەردىڭ 60 پايىزى پايداعا اسىپ جاتقان جوق
بۇل تۋرالى بۇگىن «КazMeatAstana-2016» اتتى حالىقارالىق فورۋمدا ق ر اۋىل شارۋاشىلىعى ۆيتسە- ءمينيسترى گۇلميرا يسايەۆا ءمالىم ەتتى.
«بۇگىنگى تاڭدا قازاقستاندا 222 ميلليون گەكتار اۋىل شارۋاشىلىعى جەرلەرى بار، ولاردىڭ ىشىندە تەك 91 ميلليون گەكتارى عانا، ياعني 40 پايىزى پايداعا اسىرىلىپ جاتىر»، - دەپ اتاپ ءوتتى ول.
ۆيتسە- ءمينيستردىڭ ءسوزى بويىنشا، اۋىل شارۋاشىلىعىنا جارايتىن 60 پايىز جەردىڭ الەۋەتى ەل ەكونوميكاسىنا قولدانىلماي تۇر.
«222 ميلليون گەكتار جەردىڭ 187 ميلليونى مال جايىلىمى. وزدەرىڭىز كورىپ وتىرعانداي، ەلدە مال شارۋاشىلىعىنىڭ الەۋەتى وتە جوعارى»، - دەيدى ۆيتسە- مينيستر.
ايتا كەتەيىك، استاناداعى «КazMeatAstana-2016» حالىقارالىق فورۋمىنا 14 ەلدەن 300-گە تارتا قاتىسۋشى كەلگەن. ولاردىڭ ىشىندە قىتاي، كانادا، يتاليا، جاڭا زەلانديا، تۇركيا ەلدەرىنىڭ وكىلدەرى بار.
اۆتور: جاسۇلان جولدىبايەۆ
