12:06, 03 - قازان 2014 | GMT +5
شەكاراشىلار 60 كەلى التىندى الىپ وتپەك بولعان قازاقستاندىق ازاماتتى ۇستادى
الماتى. قازاقپارات - قازاقستاندىق شەكاراشىلار سالماعى 60 كەلىدەي بولاتىن اشەكەيلى زاتتاردى اكەلە جاتقان ازاماتتىڭ جولىن كەستى. بۇل تۋرالى ق ر ۇ ق ك شەكارا قىزمەتىنىڭ باسپا ءسوز حاتشىسى وكسانا پارپۋرا حابارلادى.
ونىڭ ايتۋىنشا، «الماتى» وتكىزۋ-باقىلاۋ بەكەتىنىڭ باقىلاۋشىلارى «الماتى-ىستامبۇل» باعىتىمەن كەلە جاتقان ك س-912 رەيسىنىڭ جولاۋشىسى، 26 جاستاعى قازاقستان رەسپۋليكاسىنىڭ ازاماتىن ۇستادى.
جولاۋشىنىڭ جۇكتەرىن تەكسەرۋ كەزىندە جاسىرىن جولمەن وتكىزبەك بولعان جالپى سالماعى 60 كەلى بولاتىن اشەكەيلىك بۇيىمدار انىقتالدى.
اتالعان دەرەكتەر بويىنشا قۇقىق قورعاۋ ورگاندارى حابارلاندىرىلدى. جەدەل تەرگەۋ امالدارى جۇرگىزىلۋدە.
اۆتور: گۇلميرا عوسمانالي
