جىلدىڭ سوڭىنا قاراي قىتاي 600 ميلليون استام كوروناۆيرۋس ۆاكسيناسىن وندىرمەك
بۇل تۋرالى ق ح ر دەنساۋلىق ساقتاۋ ىستەرى جونىندەگى مەملەكەتتىك كوميسسيانىڭ مەديتسينالىق عىلىم مەن تەحنولوگيالاردى دامىتۋ ورتالىعىنىڭ ديرەكتورى جەن جۋنۆەي ءمالىم ەتتى، دەپ حابارلايدى قازاقپاراتتىڭ مەنشىكتى ءتىلشىسى.
«قىتايدىڭ كوروناۆيرۋس ۆاكسينالارىن شىعارۋداعى وندىرىستىك قۋاتى 2020 -جىلدىڭ سوڭىنا قاراي 610 ميلليون دوزانى جانە 2021 -جىلى 1 ميللياردتان استام دوزانى قۇرايدى»، - دەدى چجەن جۋنۆەي.
سونىمەن بىرگە، شەنەۋنىك حالىقتى ۆاكسيناتسيالاۋ كەزەڭ- كەزەڭىمەن، ەڭ الدىمەن كوروناۆيرۋستى جۇقتىرۋ قاۋپى جوعارى ادامدار، اتاپ ايتقاندا «الدىڭعى قاتارداعى» مەديتسينا قىزمەتكەرلەرى مەن حالىقتىڭ وسال توپتارىنىڭ وكىلدەرى (ولاردىڭ قاتارىنا قارت ادامدار، جۇكتى ايەلدەر، بالالار كىرەدى) باسىمدىق رەتىندە جۇرگىزىلەتىنىن اتاپ ءوتتى.
قىتايدىڭ اۋرۋلاردى باقىلاۋ جانە الدىن الۋ ورتالىعىنىڭ وكىلى جەن گۋاننىڭ ايتۋىنشا، قىتايلىق كوروناۆيرۋس ۆاكسينالارى ادامنىڭ يممۋندىق جۇيەسىن سالىستىرمالى تۇردە ۇزاق ۋاقىت قورعاي الادى.
اۆتورى: رۋسلان سۇلەيمەنوۆ
