00:07, 06 - قاراشا 2017 | GMT +6
ءۇندىستان تۇرعىنى 600 دەن اسا شەگە جۇتىپ قويعان - ۆيدەو
استانا. قازاقپارات - كالكۋتتا مەديتسينالىق كوللەدجىنىڭ دارىگەرلەرى ءۇندىستاندىق ازاماتتىڭ قارنىنان ۇزىندىعى شامامەن 5 سانتيمەتر بولاتىن 639 شەگە الىپ شىقتى.
ولاردىڭ جالپى سالماعى 1,3 كيلوگرامدى قۇرايدى.
جۇرەگى اينىپ، ءىشىنىڭ اۋىراتىنىن ايتىپ شاعىمدانعان ەر ادام اۋرۋحاناعا جەتكىزىلگەن. ەندوسكوپپەن تەكسەرگەننەن كەيىن، ناۋقاستىڭ ىشەگى شەگەگە تولى ەكەنى انىقتالعان.
ناۋقاسقا 2 ساعات كولەمىندە وتا جاسالىپ، ماگنيت ارقىلى مەتالدان تۇراتىن بوتەن زاتتار الىنعان.
ەر ادام شيزوفرەنيادان زارداپ شەگەدى، سوندىقتان ۇنەمى جەۋگە جارامسىز زاتتاردى جۇتىپ قويادى ەكەن.
