استانا اكىمدىگى ەكسپو اياسىندا 600 مادەني شارا وتكىزەدى
بۇل تۋرالى بۇگىن ق ر ۇكىمەتىنىڭ سەلەكتورلىق رەجىمدەگى وتىرىسىندا استانا قالاسىنىڭ اكىمى اسەت يسەكەشيەۆ ءمالىم ەتتى، دەپ حابارلايدى قازاقپارات.
«اكىمدىك تاراپىنان شامامەن 600 شارا ۇيىمداستىرىلادى. ءبىزدىڭ تاراپىمىزدان 2 باعىت بولادى. ءبىرىنشىسى، قالا تۇرعىندارى مەن ەلوردا قوناقتارىنا ارنالعان اشىق الاڭدارداعى بارشاعا قولجەتىمدى حالىقتىق سەرۋەندەر، وتباسىلىق دەمالىس، مادەني شارالار»، - دەدى اكىم.
ونىڭ سوزىنە قاراعاندا، 9 تۇرعىن ءۇي الابىندا كونسەرتتەر ۇيىمداستىرىلىپ، ەلوردانىڭ 5 ساياباعىندا 90 كۇن بويى «استانا پارك لەند» فەستيۆالى وتەدى.
فەستيۆال اياسىندا بالالارعا ارنالعان مىڭعا جۋىق شارا ۇيىمداستىرىلادى. «Astana Art Fest» حالىقارالىق فەستيۆالى اعىمداعى جىلى «Nomad Energy» دەگەن اتاۋمەن ءوتىپ، وندا 16 ەلدىڭ قازىرگى زامانعى ونەرى كورسەتىلىپ، كوشە تەاترلارى قويىلادى. قالالىق تەاترلار مەن سيرك ساحناسىندا دا جوسپارلى تۇرلە قويىلىمدار كورسەتىلەدى. سونىمەن قاتار ۇلتتىق مادەنيەتىمىز بەن ونەرىمىزدى ىلگەرىلەتۋگە باعىتتالعان ءبىرقاتار شارا دا بولادى. ولار: اقىندار، جازۋشىلار، ورىنداۋشىلار، ۇرمەلى اسپاپتار بايقاۋلارى»، - دەدى يسەكەشەۆ.
اكىمنىڭ ايتۋىنشا، ەكىنشى باعىتتا تۋريستەردىڭ نازارىنا زاكىرلى جوبالار ۇسىنىلماق. بۇل جوبالار الداعى ۋاقىتتا ەلورداعا تۋريستەردىڭ اعىلۋىنا سەپتىگىن تيگىزەتىن بولادى.
اۆتور: مارلان جيەمباي
