كۇزگى اسكەري شاقىرىلىمدا 600 گە جۋىق استانالىق ورەندەر جاۋىنگەرلەر قاتارىن تولىقتىرادى

استانا. قازاقپارات - بۇگىن استانا قالاسى اكىمىنىڭ ورىنباسارى اندرەي لۋكين وڭتۇستىك ايماقتىق وكرۋگىنىڭ قۇرلىق اسكەرلەرى قاتارىنا جاستاردى ىرىكتەۋ بويىنشا كوميسسيا قۇرامىنىڭ وتىرىسىنا قاتىستى.

بيىلعى جىلى ەلوردادا 18 دەن 27 جاسقا دەيىنگى 6200 ازامات مەديتسينالىق كوميسسيادان وتەدى، سونىڭ 600 ءى مەرزىمدى اسكەري قىزمەتىن وتەۋگە جونەلتىلەدى، دەپ حابارلايدى astana.kz.

استانا قالاسى قورعانىس ىستەرى جونىندەگى دەپارتامەنت باسشىسىنىڭ ورىنباسارى، اسكەري قىزمەتشىلەردى كەلىسىم-شارت جانە شاقىرۋ بويىنشا ىرىكتەۋ ءبولىمىنىڭ باستىعى عاني ارتىقوۆتىڭ ايتۋىنشا، 600 گە جۋىق ورەن ۇلتتىق قاۋىپسىزدىك كوميتەتىنىڭ، ۇلتتىق قاۋىپسىزدىك كوميتەتى شەكارا قىزمەتىنىڭ، مەملەكەتتىك كۇزەت قىزمەتى، سونداي-اق ۇلتتىق گۆارديانىڭ اسكەري بولىمدەر قاتارىن تولتىرماق.

نەگىزىنەن، جاستار باس شتابتىڭ جوسپارىنا سايكەس اسكەري بولىمشەلەرگە جىبەرىلەدى. استانا قالاسى قورعانىس ىستەرى جونىندەگى دەپارتامەنتىنىڭ مالىمەتىنشە، اسكەري بورىشى اياقتالعاننان كەيىن جاستاردىڭ شامامەن %25  ق ر قارۋلى كۇشتەرىنىڭ قاتارىندا كەلىسىم-شارت بويىنشا جۇمىس ىستەۋگە قالادى.

ايتا كەتۋ كەرەك، 2015-جىلدىڭ كوكتەمگى شاقىرىلىمىندا 700 استانالىق ورەن اسكەر قاتارىن تولىقتىرعان بولاتىن.