يندۋستريالاندىرۋ كارتاسى اياسىندا 6 جىلدا 85 مىڭ تۇراقتى جۇمىس ورنى قۇرىلدى

استانا. قازاقپارات - يندۋستريالاندىرۋ كارتاسى اياسىندا 6 جىلدا 3,8 تريلليون تەڭگەنىڭ 890 جوباسى جۇزەگە استى.

85 مىڭ تۇراقتى جۇمىس ورنى قۇرىلدى. ونىڭ ىشىندە 800 ميلليارد تەڭگەنىڭ 120 جوباسى ىسكە قوسىلىپ، 10 مىڭ جۇمىس ورنى اشىلدى.

2010-2014-جىلدارى جانە 2015-جىلدىڭ 9 ايىندا ىسكە قوسىلعان جوبالار اياسىندا 5,2 تريلليون تەڭگەنىڭ ءونىمى ءوندىرىلدى. ونىڭ ىشىندە 2015-جىلدىڭ 9 ايىندا 1 تريلليون تەڭگەنىڭ ءونىمى نەمەسە جالپى ونەركاسىپ ءوندىرىسىنىڭ %10,2 شىعارىلدى.

سونىمەن بىرگە، 2015-جىلدىڭ 9 ايىندا يندۋستريالاندىرۋ كارتاسى اياسىندا ىسكە قوسىلعان جوبالاردىڭ جالپى وڭدەۋشى ونەركاسىپتەگى ۇلەسى - %14,8 (ءبىر جىلدا 2,8 پايىزدىق پۋنكتكە ءوستى).

ءبىرقاتار وڭىرلەردە يندۋستريالاندىرۋ كارتاسى جوبالارىنىڭ ۇلەسى ەداۋىر: ماڭعىستاۋ وبلىسىندا - 51 پايىز، اقمولا وبلىسىندا - 39 پايىز، استانا قالاسىندا - 35 پايىز، قوستاناي وبلىسىندا - 27 پايىز، پاۆلودار وبلىسىندا - 26 پايىز.

يندۋستريالاندىرۋ كارتاسى جوبالارىنىڭ مەتاللۋرگيا سالاسى وندىرىسىندەگى ۇلەسى - 22 پايىز، حيميا ونەركاسىبىندە - 30 پايىز، قۇرىلىس يندۋسترياسىندا - 33 پايىز، فارماتسيەۆتيكادا - 38 پايىز.

ءى ج و ءوسىمىنىڭ بەستەن ءبىر بولىگى 2015-جىلدىڭ 9 ايىنداعى يندۋستريالاندىرۋ كارتاسى جوبالارىنىڭ ەسەبىنەن بولدى.