اجار عينيات نە ءۇشىن ۆاكسيناتسياعا 6,7 ميلليارد تەڭگە سۇراتقانىن ءتۇسىندىردى

نۇر-سۇلتان. قازاقپارات - ق ر دەنساۋلىق ساقتاۋ ءمينيسترى اجار عينيات كوروناۆيرۋسقا قارسى ۆاكسينانىڭ جاڭا لەگىن ساتىپ الۋ جوسپاردا جوق ەكەنىن ايتتى، دەپ حابارلايدى قازاقپارات ءتىلشىسى.
None
None

«بۇگىندە قازاقستاندا ۆاكسينانىڭ 4,5 ميلليون دوزاسى بار. بۇل مولشەر بۇگىندە جەتكىلىكتى. ءبىز الدىڭعى 9-10 ايعا ەسەپتەدىك. قازىر ۆاكسينالاردىڭ يگەرىلۋىن، ۆاكسينانىڭ قاجەتتىلىگىن، حالىق ۆاكسينانى قالاي الادى، سوعان قارايمىز. ءبارى وسىعان بايلانىستى. قازىر بۇكىل ۆاكسينا ساتىپ الىندى. جاڭا لەگىن ساتىپ الۋ جوسپارلانىپ وتىرعان جوق»، - دەدى ول سەناتتىڭ كۋلۋارىندا. سونداي-اق، ول مينيسترلىك ۆاكسينا ساتىپ الۋعا دەپ بيۋدجەتتەن 6,7 ميلليارد تەڭگەنى نە ءۇشىن سۇراپ وتىرعاندارىن ءتۇسىندىردى.

«6,7 ميلليارد تەڭگە دەگەنگە كەلسەك، ماجىلىستە بىلتىر نەگە بۇل سومادان باس تارتىپ، بيىل قايتا سۇراپ وتىرعانىمىزدى سۇراعان ەدى. 6,7 ميلليارد تەڭگە ادام پاپيللوماسىنا قارسى ۆاكسينا ءۇشىن سۇراتىلعان بولاتىن. بۇل ۇسىنىس قولداۋ تاپپادى جانە مينيسترلىك وعان كەلىستى. ويتكەنى بۇل جاڭا ۆاكسينا بولاتىن. پاندەميا بولىپ جاتتى دا كوروناۆيرۋسقا قارسى ۆاكسيناتسيانى وتكىزۋ ماڭىزدى بولدى. ال حالىقتىڭ ۆاكسيناتسياعا دەگەن كوزقاراسى بىركەلكى بولماعانىن بىلەسىزدەر. ال بۇل ۆاكسينا كوبىنە جاس قىزدارعا، جەتكىنشەكتەرگە سالىنادى. سوندىقتان كۇن تارتىبىنەن الىنعان ەدى»، - دەدى اجار عينيات.

ايتۋىنشا، بيىلعى 6,7 ميلليارد تەڭگەنىڭ اڭگىمەسى سول كەزدەگى سانمەن سايكەس بولىپ قالعان كورىنەدى. ايتپەسە سۇرالىپ وتىرعان ماقساتى بىلتىرعىدان بولەك.

«بۇل سومانىڭ 4 ميلليارد تەڭگەسىن ديفتەريا، كوكجوتەل، پوليوميەليت، گەموفيلدى ينفەكسيا سياقتى بەس بىردەي اۋرۋعا قارسى ەگىلەتىن پەنتاۆاكسيناعا سۇرادىق. تاعى 2 ميلليارد تەڭگە ۇلتتىق كۇنتىزبەدەگى ۆاكسيناتسيا شارالارىنا سۇراتىلدى»، - دەدى مينيستر.

ايتا كەتەيىك، بۇگىن سەناتتىڭ جالپى وتىرىسىندا «قازاقستان رەسپۋبليكاسىنىڭ بيولوگيالىق قاۋىپسىزدىگى تۋرالى» قازاقستان زاڭى قابىلداندى.

اۆتور: ەسىمجان ناقتىباي

سوڭعى جاڭالىقتار