بيىل «قازاق ينۆەست» قولداۋىمەن 6 ميلليارد دوللاردان اساتىن قارجىعا 45 جوبا ىسكە اسادى
وندا كومپانيانىڭ دامۋ جوسپارىن ىسكە اسىرۋ ناتيجەلەرى جانە ءبىرقاتار ۇيىمداستىرۋشىلىق ماسەلەلەر قارالدى.
ۇلتتىق كومپانيانىڭ باسقارما ءتوراعاسى مەيىرجان يۋسۋپوۆ وتكەن جىلى كومپانيا دامۋ كورسەتكىشتەرىن، ونىڭ ىشىندە قارجىلىق جانە ينۆەستيسيالىق جوبالاردى ىسكە اسىرۋ جونىندەگى كورسەتكىشتەردى ورىنداعانىن باياندادى.
بيىل «Kazakh Invest» قولداۋىمەن جالپى سوماسى 6 ميلليارد دوللاردان اساتىن شامامەن 45 جوبانى ىسكە اسىرۋ جانە پايدالانۋعا بەرۋ جوسپارلانۋدا.
پرەمەر-مينيستر شەتەلدىك ينۆەستيسيالار ءۇشىن جاھاندىق كۇرەس جاعدايىندا «Kazakh Invest» الدىندا قازاقستان ەكونوميكاسىنا ءىرى كورپوراتسيالاردى تارتۋ جانە جاڭا ينۆەستيسيالىق جوبالاردى ىسكە اسىرۋ بويىنشا ماڭىزدى مىندەتتەر تۇرعانىن اتاپ ءوتتى.
«بۇل باعىتتا ءتيىستى مۇمكىندىكتەردى پايدالانىپ، شەتەلدىك ينۆەستورلارمەن پرواكتيۆتى تۇردە جۇمىس جۇرگىزۋ كەرەك. بۇل ءۇشىن ۇكىمەت تاراپىنان بارلىق جاعداي جاسالعان»، - دەدى ءاليحان سمايىلوۆ.
سونىمەن قاتار وتىرىستا قازاقستاننىڭ 2026 -جىلعا دەيىنگى ينۆەستيسيالىق ساياساتىنىڭ تۇجىرىمداماسىنا سايكەستەندىرۋ ءۇشىن كومپانيانىڭ 2018-2027 -جىلدارعا ارنالعان دامۋ ستراتەگياسىنا وزگەرىستەر مەن تولىقتىرۋلار ەنگىزۋ ماسەلەسى قارالدى. تۇجىرىمداماعا سايكەس، جىل سايىن شامامەن 25 ميلليارد دوللار تىكەلەي شەتەلدىك ينۆەستيتسيالار اعىنىن قامتاماسىز ەتۋ كوزدەلىپ وتىر.
