6-4-اقپاندا سانيتارلار 21,8 مىڭ جولاۋشىنى كوروناۆيرۋس بويىنشا تەكسەردى
«6-قاڭتار – 4-اقپان ارالىعىندا دەنساۋلىق ساقتاۋ مينيسترلىگى تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ سانيتارلىق-كارانتيندىك پۋنكتتەرىنىڭ ماماندارى حالىقارالىق اۋەجايدا جانە تەمىرجول ۆوكزالدارىنداعى قىتايمەن اراداعى مەملەكەتتىك شەكارادان وتكىزۋ بەكەتتەرىندە 21838 جولاۋشىنى تەكسەردى»، دەلىنگەن حابارلامادا.
باسپا ءسوز قىزمەتىنىڭ مالىمەتىنشە، ق ح ر مەن شەكارالاس مەملەكەتتەردەن كەلگەن ازاماتتاردى مونيتورينگىلەۋ جالعاسىپ جاتىر. ماسەلەن، 2020 -جىلدىڭ 6-قاڭتاردان بۇگىنگى كۇنگە دەيىن ەلىمىزگە 30 مىڭ 394 ادام كەلدى.
ج ر ۆ ي بەلگىسىمەن 104 ادام كوپشىلىكتەن وقشاۋ اۋرۋحاناعا جاتقىزىلعان، ونىڭ 71 جازىلىپ شىقتى، قازىر ستاتسيونارلاردا مەديتسينالىق باقىلاۋدا 33 ادام قالدى.
اۋرۋحاناعا جاتقىزىلعانداردىڭ بارلىعىنىڭ سىناماسىن قوسىمشا باقىلاۋ ءۇشىن الماتىداعى ايقىمبايەۆ اتىنداعى اسا قاۋىپتى جۇقپالى اۋرۋلاردىڭ ۇلتتىق عىلىمي ورتالىعىنا جىبەرىلدى. بۇل ورتالىق جاڭا كوروناۆيرۋستى پ ت ر- دياگنوستيكالاۋ ادىستەمەسى يگەرگەن.
ءمينيسترلىتىڭ مالىمەتىنشە، ەلىمىزدە تەراپيا ءۇشىن قاجەتتى ءدارى-دارمەك پەن مەديتسينالىق بۇيىمدار بار، جۇقپالى اۋرۋحانالاردى وقشاۋلاۋعا ارنالعان بوكستار، ارنايى دارىگەرلىك جانە ورتا مەديتسينالىق پەرسونال دايىندالعان.
رەسمي اقپاراتتى دەنساۋلىق ساقتاۋ مينيسترلىگىنىڭ الەۋمەتتىك جەلىدەگى پاراقشاسىنان وقۋعا بولادى جانە كەز كەلگەن سۇراق بويىنشا 1406 بايلانىس ورتالىعى تاۋلىك بويى جۇمىس ىستەيدى.
