بيىل «سامۇرىق- قازىنا» كومپانيالارى 6,3 ميلليارد دوللاردى قۇرايتىن 16 جوبانى اياقتايدى
بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە «سامۇرىق- قازىنا» ۇلتتىق ءال- اۋقات قورى» ا ق باسقارما ءتوراعاسى ءومىرزاق شوكەيەۆ وسىلاي ءمالىم ەتتى.
«2015 - جىلى قور كومپانيالارى 16 جوبانى ىسكە قوسۋدى جوسپارلاپ وتىر. 6,3 ميلليارد دوللاردى قۇرايتىن مۇنداي جوبالار ناتيجەسىندە، شامامەن 4 مىڭعا تارتا تۇراقتى جانە 7,4 مىڭ ۋاقىتشا جۇمىس ورنى قۇرىلاتىن بولادى»، - دەدى ءو. شوكەيەۆ.
قور باسشىسىنىڭ ايتۋىنا قاراعاندا، ونداي جوبالاردىڭ قاتارىندا «قازاقستان- قىتاي ماگيسترالدىق گاز قۇبىرىنىڭ جوبالىق قۋاتىن ارتتىرۋ، كوپ فۋنكتسيالى مۇز ايدىنى سارايىنىڭ قۇرىلىسىن اياقتاۋ، استانا قالاسىندا كولىكتىك- لوگيستيكالىق ورتالىق قۇرىلىسىن سالۋ مەن باسقارۋ سەكىلدى جوبالار بار.
سونىمەن قاتار، جامبىل وبلىسىندا «بوراندى» كۇن ەلەكتر ستانساسىنىڭ قۇرىلىسىن دا بيىل اياقتاۋ كوزدەلەدى. ونىڭ قۋاتى 50 م ۆ ت بولماق.
اۆتور: قانات مامەتقازى ۇلى
