ۆيدەو ءۇشىن اكۋلانى جاعاعا شىعارعان تۋريستەر 6,2 مىڭ دوللار ايىپپۇل تولەيتىن بولدى - كەسكىن

استانا. قازاقپارات - برازيليادا ۆيدەو ءتۇسىرۋ ءۇشىن جاس اكۋلانى سۋدان شىعارعان تۋريستەر بەس مىڭ فۋنت ستەرلينگ كولەمىندە ايىپپۇل تولەيتىن بولادى (6,2 مىڭ دوللار).

بۇل تۋرالى سارسەنبى، 8 -اقپان كۇنى The Daily Mirror جازدى. باسىلىمنىڭ اقپاراتىنا سۇيەنسەك، ساياحاتشىلار توبى جانۋارلاردى اۋلاۋعا، ولتىرۋگە، مازاسىن الۋعا نەمەسە تاماقتاندىرۋعا تىيىم سالىنعان بەلگىگە قاراماستان، بالىقتى فەرناندۋ- دي- نورونيا ارحيپەلاگىنىڭ جاعاسىنا مۇحيتتان شىعارىپ العان.

اكۋلانى ۇستاپ تۇرعان 35 جاستاعى بەلگىسىز ايەل كىسى بەينەلەنگەن تاسپا جەلىدە 7 -اقپان كۇنى جاريالانعان. وسى وقيعاعا بايلانىستى ەندى تۋريستەردىڭ ءارقايسىسى جانۋارلارعا قاتىگەزدىك تانىتقانى ءۇشىن 2,5 مىڭ فۋنت ستەرلينگ ايىپپۇل تولەيتىن بولدى.