قازاقستاندا ادامداردى ءولتىرۋ ءۇشىن 5G باعانالارى ورناتىلۋدا - فەيك
بۇل تۋرالى قازاقپارات stopfake.kz سايتىنا سىلتەمە جاساپ حابارلايدى.
قازنەت قولدانۋشىلارى 5G تەحنولوگياسى تۋرالى كونسپيرولوگيالىق تەوريالاردى ءالى دە تاراتۋدا. بۇگىندە TikTok الەۋمەتتىك جەلىسىندە جانە Telegram مەسسەندجەرىندە ۇيالى بايلانىس باعانالارىنىڭ ۆيدەوسى وتە كوپ. ولاردا باعانالار پلانەتا حالقىن ءبىر ميلليارد ادامعا دەيىن ازايتۋ ءۇشىن قاجەت دەپ جازىلعان. 5G تەحنولوگياسى - بۇل ادامداردى جاپپاي قىرىپ-جويۋ قۇرالى نەمەسە قۇپيا ەمەس قارۋ ەمەس، تەك جوعارى وتكىزۋ قابىلەتتىلىگىمەن ەرەكشەلەنەتىن جانە الەم بويىنشا ادامدارعا جىلدام جانە تۇراقتى ينتەرنەت بايلانىسىن قامتاماسىز ەتەتىن جاڭا بايلانىس فورماتى. 5G تولقىندارى - 24 گ گ س جانە ودان جوعارى دياپازوندا جۇمىس ىستەيدى. ءبىز بىلەتىن Wi-Fi روۋتەرلەرى، پوليتسيا رادارلارى، كەيبىر جەرسەرىكتەر جانە ت. ب. قۇرىلعىلار دا وسى جيىلىكتە جۇمىس ىستەيدى.
فيزيك جانە عىلىمدى تانىمال ەتۋشى دميتري پوبەدينسكي تەحنولوگيانىڭ قالاي جۇمىس ىستەيتىنى جانە نەگە ودان قورقۋدىڭ قاجەتى جوق ەكەندىگى تۋرالى ءوزىنىڭ YouTube كانالىندا ەگجەي- تەگجەيلى، ايتىپ بەرەدى. 5G تولقىندارىنىڭ ادام دەنساۋلىعىنا اسەرىن عالىمدار تەكسەردى. ولار تەحنولوگيا ادامدار مەن جانۋارلاردىڭ دەنساۋلىعىنا ايتارلىقتاي زيان كەلتىرە المايدى دەگەن قورىتىندىعا كەلدى. 5G باعانالارى قارۋ بولىپ تابىلادى جانە تەحنولوگيانىڭ ءوزى قاتەرلى ىسىك، اۋتيزم، COVID-19 اۋرۋلارىنا اكەلەدى، سونداي-اق ادامداردا ۇرەي مەن ابىگەرلىك تۋدىرۋى مۇمكىن دەگەن تەوريالاردى ءبىز بۇعان دەيىن جوققا شىعاردىق.
قۇپيا الەمدىك ۇكىمەتتىڭ جوسپارلارىن جۇزەگە اسىرعاننان كەيىن ءتىرى قالاتىن ادامدار تۋرالى «التىن ميلليارد» دەپ اتالاتىن تەوريا قاستاندىق تەورياسى بولىپ تابىلادى جانە ەشقانداي دالەلى جوق. ونى بۇعان دەيىن جوققا شىعارعان بولاتىنبىز. دەمەك، قازاقستاندا ادامداردى جاپپاي ءولتىرۋ ءۇشىن 5G انتەننالارى ورناتىلۋدا دەگەن اقپارات فەيك جانە كونسپيرولوگيا. بايلانىستىڭ جاڭا فورماتى ادامدار مەن جانۋارلارعا ايتارلىقتاي تەرىس اسەر ەتە المايدى جانە ول قارۋ ەمەس.