بيىل 5 ميلليون گەكتار جەر مەملەكەت مەنشىگىنە قايتارىلادى

استانا. قازاقپارات - مەملەكەت باسشىسىنىڭ تاپسىرماسى بويىنشا بوس جاتقان جانە زاڭسىز پايدالانۋعا بەرىلگەن جەرلەردى مەملەكەت مەنشىگىنە قايتارۋ شاراسى جالعاسىپ جاتىر، دەپ حابارلايدى قازاقپارات ءتىلشىسى.
None

«بيىل جىل باسىنان بەرى مەملەكەت مەنشىگىنە پايدالانىلماي تۇرعان جانە زاڭنامانى بۇزا وتىرىپ بەرىلگەن 1,8 ميلليون گەكتار اۋىل شارۋاشىلىعى جەرلەرى قايتارىلدى. جىل سوڭىنا دەيىن مەملەكەت مەنشىگىنە جالپى كولەمى 5 ميلليون گەكتار جەردى قايتارۋ جوسپارى بار. مەملەكەتتىك مەنشىككە قايتارىلعان جەرلەر ءبىرىنشى كەزەكتە حالىقتى جايىلىمدىق جەرلەرمەن قامتاماسىز ەتۋگە باعىتتالادى. قايتارىلعان جەرلەر اۋدانداردىڭ رەزەرۆىنە قويىلادى. حالىق ءتيىستى جايىلىم جەرلەرمەن قامتىعان كەيىن قالعان بولىگى كونكۋرسقا شىعارىلادى»، - دەگەن جاۋاپ الدىق اۋىل شارۋاشىلىعى مينيسترلىگىنەن رەسمي ساۋالعا.

مينيسترلىكتىڭ حابارلاۋىنشا، جايىلىم تۋرالى زاڭناماعا وزگەرىستەر مەن تولىقتىرۋلار ەنگىزىلىپ جاتىر.

«قازىرگى ۋاقىتتا پارلامەنت ءماجىلىسى دەپۋتاتتارىنىڭ باستاماسىمەن ازىرلەنگەن «جايىلىمداردى پايدالانۋ ماسەلەلەرى بويىنشا قازاقستان رەسپۋبليكاسىنىڭ كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى» زاڭ جوباسى اياسىندا ەلدى مەكەندەرگە ىرگەلەس جاتقان جايىلىمدىق جەرلەردى باسقا القاپتارعا اۋىستىرۋعا تىيىم سالۋ بولىگىنە، جەر كودەكسىنە، سونداي- اق، «جايىلىمدار تۋرالى» زاڭعا رۇقسات ەتىلگەن جۇكتەمە نورماسىن 20 دان %50 دەيىن ارتتىرۋ بويىنشا تۇزەتۋ ەنگىزىلگەلى جاتىر. جەرگىلىكتى اتقارۋشى ورگاندار اتالعان زاڭعا ەنگىزىلەتىن وزگەرىستەردى نازارعا الا وتىرىپ حالىقتى جايىلىم جەرىمەن قامتۋدى جەرگىلىكتى دەڭگەيدە شەشۋى كەرەك»، - دەيدى ۆەدومستۆودان.


سوڭعى جاڭالىقتار