الماتىدا 5 ادامدى اتىپ ولتىرگەن يگور دۋجنوۆتىڭ ءۇيىن پوليتسەيلەر قورشاۋعا الدى

قالالىق پوليتسيا دەپارتامەنتى «102» پۋلتىنە جەكە سوت ورىنداۋشىسىنان اقبۇلاق ىقشاماۋدانىنداعى سىزدىقوۆ كوشەسىندەگى ۇيلەردىڭ بىرىنەن باسپانانى ماجبۇرلەپ شىعارۋ كەزىندە اتىس قارۋىنىڭ تابىلعانى تۋرالى قوڭىراۋ تۇسكەنىن حابارلادى.
«قازىر وقيعا ورنىندا الاتاۋ اۋداندىق پوليتسيا باسقارماسىنىڭ جەدەل- تەرگەۋ توبى جۇمىس ىستەپ جاتىر»، - دەپ حابارلادى الماتى قالالىق ءى ءى د باسپا ءسوز قىزمەتى.
ەسكە سالايىق، 2021 -جىلى 20 -قىركۇيەك كۇنى الماتىدا جەكە ۇيلەردىڭ بىرىنە كەلگەن سوت ورىنداۋشىعا، ۋچاسكەلىك پوليتسيا ينسپەكتورلارىنا ءۇي يەسى — 1967 -جىلى تۋعان ازامات وق اتتى. قىزمەت بارىسىندا بەس ادام، ونىڭ ىشىندە ەكى پوليتسيا قىزمەتكەرى وقتان جاراقات الىپ، كوز جۇمدى.
قازا تاپقان پوليتسەيلەردىڭ ءبىرىنىڭ ارتىندا – 5، ەكىنشىسىندە 2 بالا قالدى.
بىلتىر سوت يگور دۋجنوۆتى ءومىر بويىنا باس بوستاندىعىنان ايىردى.