قىزىلوردادا تانىسىنان 5 ميلليون تەڭگە بوپسالاعان ايەل قۇرىقتالدى

قىزىلوردا. قازاقپارات - قىزىلوردادا تانىسىنان 5 ميلليون تەڭگە بوپسالاعان 35 جاستاعى ايەل قۇرىقتالدى، دەپ حابارلايدى قازاقپارات Polisia.kz-كە سىلتەمە جاساپ.

12-اقپان كۇنى پوليسياعا 44 جاستاعى ازاماتشا جۇگىندى. ول تانىسى ءوزىن ماسقارالايتىن مالىمەتتەردى جاريا ەتەمىن دەپ قورقىتىپ، بوپسالاۋ ارقىلى 5 ميلليون تەڭگە بەرۋدى تالاپ ەتكەن.

اتالعان دەرەك بويىنشا قازالى ا پ ب جانە ۇيىمداسقان قىلمىسقا كۇرەس باسقارماسىنىڭ قىزمەتكەرلەرىمەن قىزمەتكەرلەرى جەدەل- ىزدەستىرۋ جۇمىستارىن جۇرگىزىپ، ناتيجەسىندە كەزەكشى تاۋلىكتە 35 جاستاعى وبلىس تۇرعىنىن ۇستادى.

قازىرگى تاڭدا كۇدىكتىگە قاتىستى ق ر ق ك- ءنىڭ 194-بابىنىڭ 3-بولىگىمەن (قورقىتىپ الۋشىلىق، ياعني كۇش قولدانۋ نە بوتەننىڭ مۇلكىن جويۋ نەمەسە ءبۇلدىرۋ قاتەرىن ءتوندىرىپ، سول سياقتى جابىرلەنۋشىنى نەمەسە ونىڭ جاقىندارىن ماسقارالايتىن مالىمەتتەردى نە جاريالانۋى جابىرلەنۋشىنىڭ نەمەسە ونىڭ جاقىندارىنىڭ مۇددەلەرىنە ەلەۋلى زيان كەلتىرۋى مۇمكىن وزگە دە مالىمەتتەردى تاراتۋ قاتەرىن ءتوندىرىپ بوتەننىڭ مۇلكىن نەمەسە مۇلىككە قۇقىقتى بەرۋدى نەمەسە مۇلىكتىك سيپاتتاعى باسقا دا ارەكەتتەر جاساۋدى تالاپ ەتۋ) سوتقا دەيىنگى تەرگەپ- تەكسەرۋ ارەكەتتەرى جۇرگىزىلىپ جاتىر.

كۇدىكتى ۋاقىتشا ۇستاۋ يزولياتورىنا قامالدى.