مۇعالىمدەردىڭ كاسىبي مەرەكەسى ەندى 5- قازاندا تويلانادى

استانا. قازاقپارات - بۇعان دەيىن قازاننىڭ ءبىرىنشى جەكسەنبىسىندە تويلانىپ كەلگەن مۇعالىمدەر كۇنى ەندى 5- قازانعا اۋىستىرىلادى، - دەپ حابارلايدى Massaget.kz ءتىلشىسى.

بۇل تۋرالى ۇكىمەتتىڭ قاۋلىسى «اشىق ن ق ا» سايتىندا جاريالاندى.

«قازاقستان رەسپۋبليكاسى ۇكىمەتىنىڭ «قازاقستان رەسپۋبليكاسىنداعى مەرەكەلىك كۇندەردىڭ تىزبەسىن بەكىتۋ تۋرالى» 2017-جىلعى 31- قازانداعى 689№ قاۋلىسىنا مىناداي وزگەرىس ەنگىزىلسىن: كورسەتىلگەن قاۋلىمەن بەكىتىلگەن قازاقستان رەسپۋبليكاسىنداعى مەرەكەلىك كۇندەردىڭ تىزبەسىندە: 36-تارماق مىناداي رەداكسيادا جازىلسىن: «36. مۇعالىم كۇنى – 5- قازان»، - دەلىنگەن قۇجاتتا.

وقۋ-اعارتۋ مينيسترلىگى بۇل وزگەرىستى 2022-جىلعى 30- جەلتوقسانداعى 22-4423-3№ قازاقستان رەسپۋبليكاسى پرەزيدەنتى قاسىم-جومرات توقايەۆتىڭ تاپسىرماسىن ورىنداۋ ماقساتىندا ەنگىزىلگەنىن ايتىپ ءتۇسىندىردى.