سەمەيدە 5 جاسار بالانىڭ تاپقىرلىعىنىڭ ارقاسىندا ىنىلەرى قۇتقارىلدى

None
استانا. قازاقپارات - سەمەيدە 5 جاسار بالانىڭ تاپقىرلىعىنىڭ ارقاسىندا ىنىلەرى قۇتقارىلدى، دەپ حابارلايدى ق ر ت ج م باسپا ءسوز قىزمەتى.

5-قاڭتاردا ساعات 16:58-دە «112» پۋلتىنە 5 جاسار بالادان قوڭىراۋ كەلىپ ءتۇستى، ول جەكە ۇيدە كۇيىك ءيىسى بار ەكەنىن حابارلاعان.

وقيعا ورنىنا دەرەۋ قۇتقارۋشىلار بريگاداسى، 102 جانە 103 قىزمەتتەرى اتتاندى.

وسى ۋاقىتتا سەمەي قالاسىنىڭ ك ق ج ب و ديسپەتچەرلەرى ازاماتتىق قورعاۋ ستارشيناسى ا. ارينوۆا مەن ازاماتتىق قورعاۋ لەيتەنانتى ن. تويىمبايەۆا بەينەبايلانىس ارقىلى بالامەن بايلانىسقا شىقتى. اشىق جانۋى جوق ەكەنىنە كوز جەتكىزىپ، بالالارعا پسيحولوگيالىق كومەك كورسەتتى جانە دە بولمەلەردى جەلدەتۋ ءۇشىن بالانى تەرەزە اشۋدى ءوتىندى.

قۇتقارۋشىلار وقيعا ورنىنا كەلگەننەن كەيىن جاس بالالاردىڭ جەكە ۇيدە بۇعاتتالعانى جانە جانۋدىڭ ءيىسى بار ەكەندىگى بەلگىلى بولدى.

م ءو س-1 قىزمەتكەرلەرى شانس قۇرالدارىنىڭ كومەگىمەن الدىڭعى ەسىكتىڭ قۇلپىن بولشەكتەپ، بالالاردى جەدەل مەديتسينالىق جاردەم دارىگەرلەرىنە تاپسىردى.

بالالاردى دارىگەرلەر قاراعاننان كەيىن سەمەي قالاسىنداعى بالالار اۋرۋحاناسىنا الىپ كەتۋگە تۋرا كەلدى، جەڭىل كومىرتەگى توتىعىمەن ۋلانۋدىڭ الدىن-الا دياگنوزى قويىلدى، قازىرگى ۋاقىتتا بالالاردىڭ جاعدايى قاناعاتتانارلىق جاعدايدا.

سوڭعى جاڭالىقتار