ەڭ پايدالى 5 كوكونىس شىرىنى: ولاردى كۇندە ىشسەڭىز نە بولادى؟

استانا. قازاقپارات – كوكونىس شىرىندارىنىڭ پايدالىلىعى جەمىس شىرىندارىنان كەم تۇسپەيدى، كەيبىر جاعدايلاردا ولاردان اسىپ تۇسەدى.

جەمىستەر مەن كوكونىستەردەن الىنعان شىرىن دۇرىس تاڭدالسا، كۇندەلىكتى ديەتاڭىزعا پايدالى جانە ءدامدى قوسىمشا بولادى. كوكونىس شىرىنىنىڭ پايداسى تۋرالدى ەندوكرينولوگ جانە ديەتولوگ ەليزاۆەتا دزانتيەۆا ايتتى.

كۇندەلىكتى تۇتىنۋعا بولاتىن ەڭ پايدالى جانە تانىمال كوكونىس شىرىندارىنىڭ ىشىندە دارىگەر مىنالاردى اتادى:

ءسابىز شىرىنى - ونىڭ قۇرامىندا كوپ مولشەردە كاروتين بار، ول كورۋ، تەرى جانە زات الماسۋ پروتسەستەرىنە جاقسى اسەر ەتەتىن ا دارۋمەنىنىڭ قورى. شىرىن مۇمكىندىگىنشە پايدالى بولۋى جانە دارۋمەننىڭ تولىق ءسىڭۋى ءۇشىن قولدانار الدىندا وعان ءبىر شاي قاسىق ءزايتۇن نەمەسە كۇنباعىس مايىن قوسۋ كەرەك.

قىزىلشا شىرىنى - مۋلتيدارۋمەندى كەشەن. بۇل ونىمدە ۆ توبىنىڭ دارۋمەنى، اسىرەسە پانتوتەن، فولي قىشقىلى، ريبوفلاۆين جانە تيامين، نياتسين كوپ. سونىمەن قاتار، ونىڭ قۇرامىندا كوپتەگەن انتيوكسيدانتتار - ە دارۋمەنى جانە جاسۋشالاردى زاقىمدانۋدان قورعايتىن اسكوربين قىشقىلى بار. بۇدان بولەك - كالي، كالتسي، ماگني، ناتري، فوسفور، تەمىر، يود، حلور جانە مارگانەتس تە قىزىلشا شىرىنىنىڭ قۇرامىندا كەزدەسەدى. ولاردىڭ بارلىعى مەتابوليزمدى قولدايدى.

قىزاناق شىرىنى - قارتايۋدى، جاسۋشالاردىڭ زاقىمدانۋىن ءتيىمدى باسەڭدەتۋگە جانە دەنەنىڭ يممۋنيتەتىن ارتتىرۋعا كومەكتەسەتىن ليكوپەننىڭ كوپ مولشەرىن قامتيدى.

س دارۋمەنىنىڭ جوعارى مولشەرىن قامتيتىن قىرىققابات شىرىنى ج ر ۆ ي جانە تۇماۋ كەزىندە وتە جاقسى كومەكشى بولادى، كوڭىل-كۇي مەن ءال-اۋقاتتى جاقسارتۋعا كومەكتەسەدى.

كوكونىستەردەن الىنعان شىرىندار - كادى، قيار، بروككولي، ساۆوي قىرىققاباتى حلوروفيللگە باي، ولار ءوزىنىڭ قۇرامى بويىنشا گەموگلوبيندى سينتەزدەۋ ءۇشىن قولدانىلاتىن ومىرلىك ماڭىزدى ەلەمەنت - تەمىرگە باي.

شىرىندى ليترمەن ىشۋگە بولمايدى

كەز كەلگەن ءونىم دۇرىس پايدالانىلعان جاعدايدا پايدالى ەكەنىن ءتۇسىنۋ ماڭىزدى. سوندىقتان، كوكونىس شىرىندارىنىڭ قۇرامىندا قورەكتىك جانە پايدالى كومپونەنتتەردىڭ كوپ بولۋى بۇل سۋسىندى كوپ ىشۋگە ەشقانداي نەگىز بەرمەيدى. سونىمەن قاتار، كوكونىس شىرىندارىن ىشەتىن كۇننىڭ ۋاقىتى دا ماڭىزدى.

شىرىندار كومىرسۋلارعا جەتكىلىكتى باي ءونىم. سوندىقتان، ءتىپتى كوپ مولشەردەگى كوكونىس شىرىندارى قانداعى گليۋكوزانى جوعارىلاتۋى مۇمكىن، ول جوعارى دەڭگەيدە تۇتىنىلسا، دەنەگە زيان ەدى. سوندىقتان كۇنىنە 200-250 مل شىرىننان (بۇل ءبىر ستاقان) ارتىق ىشۋگە بولمايدى.

ونىمنەن ماكسيمالدى پايدانى قالاي الۋعا بولادى؟

شىرىنعا قانت پەن تۇز قوسپاڭىز. ەگەر شىرىن تىم ءتاتتى بولسا سۋمەن سۇيىلتىڭىز. ال كوكونىس شىرىندارىنىڭ كەيبىر تۇرلەرىن، نەگىزىنەن، تازا تۇرىندە، اسىرەسە قىزىلشا شىرىنىن تۇتىنۋ ۇسىنىلمايدى وعان ءارقاشان سۋ قوسۋ كەرەك.

سونىمەن قاتار، شىرىنداردى تاڭەرتەڭ ءىشۋ پايدالى. ولار مەتابوليكالىق بەلسەندىرگىشتەر، دەنەنى سەرگەكتىككە ىنتالاندىراتىن ەنەرگەتيكالىق سۋسىندار. كەشكە شىرىن ءىشۋ ۇيقىسىزدىققا اكەلۋى مۇمكىن.

قارسى كورسەتكىشتەر بار

قارسى كورسەتكىشتەردىڭ ءتىزىمى از بولسا دا، بار، اسىرەسە دەنساۋلىققا قاتىستى پروبلەمالار بولسا شىرىندى ساقتىقپەن ىشكەن ءجون. سونىمەن، اسقازان-ىشەك اۋرۋلارىنىڭ (گاستريت، پانكرەاتيت، حولەتسيستيت) ءورشۋى كەزىندە شىرىندارعا تىيىم سالىنادى. بەلگىلى ءبىر ونىمدەرگە اللەرگيا بولعان كەزدە ىشۋگە بولمايدى.

massaget.kz