يممۋنيتەتتى كوتەرۋگە كومەكتەسەر 5 تاعام
يممۋن جۇيەسىن جاقسارتۋ ءۇشىن ەڭ الدىمەن ىشەك جۇمىسىن جاقسارتىپ، ىشتەگى پايدالى باكتەريالاردى كوبەيتكەن ابزال.
ىشەك ميكروفلوراسىن جاقسارتۋدىڭ جولى - پايدالى تاماق ءىشۋ. اسىرەسە، ىشەكتەگى پايدالى باكتەريالاردى قورەكتەندىرەتىن تاعامداردى ىشكەن ءجون.
مامانداردىڭ ايتۋىنشا، ونداي تاعامدارعا مىنالار جاتادى.
يوگۋرت. ىشەك ميكروفلوراسىنا پايدالى ءسۇت تاعامدارىنىڭ ءبىرى - يوگۋرت. پروبيوتيكتىڭ كوزى. ءارى اس قورىتۋعا كومەكتەسەدى. پروبيوتيك دەگەنىمىز - پايدالى ميكروفلورانىڭ كوبەيتۋگە كومەكتەسەتىن ءتىرى ميكروورگانيزمدەر. يممۋن جۇيەسىنىڭ جاسۋشالارىن وياتادى.
ءبىراق يوگۋرت ساتىپ الاردا مىندەتتى تۇردە ءونىمنىڭ شىعارىلعان مەرزىمىنە قاراۋ شارت. بارىنشا جاڭا، بالعىن بولعانى ءجون.
ايران. ىشەككە پايدالى ەكىنشى ءسۇت تاعامى - ايران. ايراندا كالتسي، ماگني، فوسفور، ۆ دارۋمەندەرى مەن D دارۋمەنى كوپ بولادى. ناعىز اعزاعا پايدالى قۇرام. ايران - پروبيوتيكتىڭ دە كوزى. ايراننىڭ بارىنشا تابيعي بولعانى جاقسى. سوندا اعزاعا مولىراق پايداسىن تيگىزبەك.
اشىتىلعان كوكونىس. بۇعان كادىمگى تۇزدالعان ورامجاپىراق پەن قيار، باسقا دا كوكونىستەر جاتادى. اشىتىلعان، قىشقىل تاعامدار ىشەككە وتە پايدالى.
كيمچيدە ا، س جانە ك2 دارۋمەنى، ۆ توبىنداعى دارۋمەندەر مەن تەمىر، ءتۇرلى امينقىشقىلدارى كوپ بولادى. الەمدەگى ەڭ پايدالى تاعامداردىڭ ءبىرى. جاسۇسىنىق كوپ بولعاسىن ىشەكتىڭ پايدالى ميكروفلوراسىنا جاقسى اسەر ەتەدى.
ىرىمشىك (سىر). ىشەككە پايدالى تاعى ءبىر ءسۇت ءونىمى. ەگەر ايران مەن يوگۋرتتىڭ بارىنشا جاڭا بولعانى ماڭىزدى بولسا، سىرعا كەرىسىنشە، دايىندالعانىنا بارىنشا كوپ ۋاقىت بولعانى جاقسى. سوعۇرلىم قۇرامىندا پروبيوتيك كوپ بولماق.
ايتا كەتەرلىگى، جوعارىدا اتالعان تاعامداردى الاردا پاستەرلەنگەن بە، جوق پا - سوعان ءمان بەرۋ كەرەك. پاستەرلەنگەن تاعام بولسا، وندايدان پايدا جوق دەيدى ماماندار.
